రాష్ట్రపతి అవార్డు తీసుకున్న ఈ హీరోయిన్ కి సడెన్ గా అవకాశాలు ఎందుకు తగ్గిపోయాయో తెలుసా.?!

తెలంగాణ ప్రాంతం లోని ఓరుగల్లు వనిత చిన్ననాడే నాటక రంగాన గజ్జెగల్లు మనిపించి అనతికాలంలోనే వెండితెరపై కనిపించి ప్రేక్షకుల గుండెఝల్లు మని పించిన హీరోయిన్ సంగీత. ఆమె స్నేహితురాల్లు సినిమాల్లో ప్రయత్నించమని చెప్పగానే తన తల్లి, అన్నయ్య తో కలిసి మద్రాసు బయలుదేరి వెళ్ళిపోయింది. ఆమె బంధువులు ఎవరూ కూడా సినిమారంగంలో వచ్చిన దాఖలాలు లేవు. అలా తన అన్నయ్య ఒక రోజు మద్రాస్ పాండీబజార్లో తిరుగుతున్నప్పుడు ఒక మేనేజర్ పరిచయమయ్యాడు. అలా మేనేజర్ సహాయ సహకారాలతో మొదటగా తీర్పు అనే సినిమాలో సంగీత నటించింది.

తదుపరి రెండో అవకాశంగా బాపు దర్శకత్వంలో వచ్చిన ముత్యాలముగ్గు సినిమా లో నటించింది. ఆ తర్వాత సంగీత నటించిన తాయారమ్మ బంగారయ్య, చిలకమ్మ చెప్పింది, శ్రీరామ పట్టాభిషేకం లాంటి సినిమాలు బాక్సాఫీస్ వద్ద మంచి విజయాన్ని సాధించాయి. అయితే సంగీత సినిమాలు చేస్తున్నప్పుడు.. ఎంజీఆర్ తో నటిస్తున్న లతా ఇదివరకే హీరోయిన్ గా ఉండడం వలన ముత్యాలముగ్గు దర్శకుడు బాపుగారు లతను కాస్త సంగీతగా మార్చాడు.

అప్పటి నుంచి ముత్యాలముగ్గు సంగీత గా పేరు పొందడం జరిగింది. బాపు సినిమాలు సాధారణంగా మేకప్ లేకుండా సహజత్వానికి దగ్గరగా ఉంటాయి. హీరోయిన్ గా సంగీతకు ముత్యాలముగ్గులు అవకాశం వచ్చినప్పుడు మేకప్, ఆభరణాల అలంకరణ ఉంటాయి కావచ్చు అనుకుంది. కానీ అలాంటివి బాపు గారు ముత్యాల ముగ్గు లో సంగీత కు అవకాశం ఇవ్వలేదు. మేకప్ లేకపోవడం వలన సంగీత అంతగా ఇష్టంతో ఆ సినిమాలో నటించలేదు. కానీ ఈ సినిమా ఘన విజయం సాధించడంతో ఆమె ఆనందానికి అవధులు లేవు. ఆ తర్వాత ఈ సినిమా లో ఉత్తమ నటనను కనబరిచి నందుకు సంగీతకు ఏకంగా రాష్ట్రపతి అవార్డు వచ్చింది.

ముత్యాల ముగ్గు విజయం సాధించినందుకు ఆనందంలో ఉన్న సంగీతకు అవకాశాలు తగ్గిపోతున్నయనే విషయాన్ని ఆలోచించ లేకపోయింది. సంగీత తక్కువ వయసులోనే కుటుంబపరమైన గృహిణి పాత్రలో నటించడం వలన.. గ్లామరస్ పాత్రలు సంగీత కు ఏవీ రాలేదు. అప్పటి స్టార్ హీరోలు ఎన్టీఆర్, ఏఎన్నార్, కృష్ణ, శోభన్ బాబు, కృష్ణంరాజుల తో కూడా అవకాశాలు లేకుండా పోయాయి. ఒకవేళ వచ్చినా అక్క, చెల్లి ఆ తర్వాత తల్లి పాత్రలో నటించడం జరిగింది. తను ముత్యాలముగ్గు సినిమాలో సంప్రదాయ పరమైన ఆ పాత్రను చేయడం వల్లనే గ్లామరస్ పాత్రలు రాకుండా పోయాయని.. అలా కాకుంటే తను కూడా స్టార్ హీరోయిన్ గా ఉండే దానినని సంగీత ఒక ఇంటర్వ్యూలో చెప్పుకొచ్చారు.