చిరంజీవికి జోడీగా నటించిన టాప్ 10 హీరోయిన్లు.

ఒక్కో మెట్టూ పునాదిగా వేసుకొని చెక్కు చెదరని మెగా కోటను కట్టుకొని తన కట్టిన కోటకు తానే రాజై, మహారాజై దశాబ్దాలుగా ఆ సింహాసనాధీశులుగా వెలుగొందుతున్న ప్రముఖ నటుడు మెగాస్టార్ చిరంజీవి. ఆయన స్టార్‌డమ్ కి ఓ చేయి వేసిన స్టార్ హీరోయిన్లలో టాప్ 10గా ఎవరు నిలిచారో ఇప్పుడు తెలుసుకుందాం .
మెగాస్టార్‌తో కలిసి సరైన ఈడూ జోడూ అన్నట్టుగా నటించిన హీరోయిన్ రాధ ప్రేక్షకులను ఎంతగానో అలరించారు. వీరిద్దరూ కలిసి చేసిన సినిమాలను చూసినట్లయితే వీళ్లు అసలు నటిస్తున్నారన్న ఫీలింగే రానివ్వకుండా చేస్తారు. అంత గొప్పగా వీరిద్దరి మధ్య కెమిస్ట్రీ పండుతుందంటే నమ్మశక్యం కాదు.

ఇక చిరంజీవి ఎనర్జీకి 100శాతం సూటయ్యి, మంచి హీరోయిన్‌గా పేరు తెచ్చుకున్న నటి విజయశాంతి. చిరుతో దాదాపు 19సినిమాల్లో నటించి వారెవ్వా ఏమి జోడీ అనిపించుకున్నరు. ఆ తర్వాత లిస్ట్‌లో నిలిచేది కథానాయిక రాధిక. పలు సినిమాల్లో ఈమెతో నటించిన చిరు, అభిలాష చిత్రంతో మంచి గుర్తింపును సాధించుకున్నారు.

ఇకపోతే మెగాస్టార్‌కు బాగా సూటయ్యే సినిమాల్లో హీరోయిన్‌గా నటించిన సుహాసిని కూడా అదే కోవలోకి చెందుతారు. అందం, అభినయంతో ఆకట్టుకుంటూ చిరుతో పలు సినిమాల్లో నటించి భారీ హిట్‌లను సాధించారు. ఆ తర్వాత భానుప్రియ. సహజ నటన దాంతో పాటు క్లాసికల్ డాన్స్‌ కలిగిన ఆమెను, చిరు పక్కన నటించడంతో మరింత ప్రాధాన్యాన్ని తీసుకువచ్చాయి. ఇకపోతే ఇంద్ర లాంటి సక్సెల్‌పుల్ హిట్‌ను అందుకున్న సినిమాల గురించి చెప్పాలంటే సొనాలి బింద్రే కూడా చిరు విజయానికి కీలకంగా నిలిచారని చెప్పవచ్చు.

వీరే కాకుండా సుమలత, రమ్యక్రిష్ణ, సిమ్రన్ లాంటి హీరోయిన్లు చిరు అందనంత స్థాయి వెళ్లడానికి మరో కారణాలు అని కూడా చెప్పవచ్చు. ఇక నేటి కథా నాయికల్లో మెగాస్టార్ స్టైల్‌కి జోడీగా సెట్‌ అయ్యే హీరోయిన్ కాజల్ అగర్వాల్. దీంతో ఆయన తీస్తున్న తదుపరి చిత్రం ఆచార్యలోనూ ఛాన్స్ కొట్టేసింది ఈ ముద్దుగుమ్మ.