Vadde Naveen : 97 లో వచ్చిన ‘కోరుకున్న ప్రియుడు’ సినిమాతో తెలుగు ఇండస్ట్రీ లో అడుగుపెట్టిన వడ్డే నవీన్ మొదటి సినిమాతోనే హిట్ కొట్టాడు. ఇక లవర్ బాయ్ ఇమేజ్ తో ఆ తరువాత ‘పెళ్లి’ సినిమాతో కూడా మళ్ళీ మంచి హిట్ కొట్టాడు. దీంతో వడ్డే నవీన్ కెరీర్ దూసుకుపోయింది. ఎంత త్వరగా స్టార్ అయ్యాడో అంతే త్వరగా ఫేడ్ అవుట్ కూడా అయ్యాడు. మళ్ళీ రీ ఎంట్రీ ఇస్తే మంచి సినిమాతో ఇవ్వాలని అనుకుంటున్న నవీన్ కి నందమూరి కుటుంబంతో ఉన్న బంధం గురించి చాలా మందికి తెలియదు. జూనియర్ ఎన్టీఆర్ కు వడ్డే నవీన్ బావ అవుతాడన్న విషయం చాలా మందికి తెలీదు.
ఎన్టీఆర్ సోదరితో నవీన్ వివాహం…
వడ్డే నవీన్ వడ్డే రమేష్ గారి అబ్బాయి, ముందు నుండి సినిమా పరిచయాల వల్ల వడ్డే నవీన్ కి సినిమాల మీద ఆసక్తి ఉంది. ఇక సినిమాలలోకి వచ్చే ముందే నందమూరి ఇంటి అమ్మోని ప్రేమించాడట. జూనియర్ ఎన్టిఆర్ వడ్డే నవీన్ కి ముందు నుండి మంచి స్నేహితుడంటూ చెప్తుంటారు. అలా సినిమాల్లోకి వచ్చాక కొద్దిరోజులకు సీనియర్ ఎన్టీఆర్ గారి అబ్బాయి రామకృష్ణ కూతురును ఇచ్చి వడ్డే నవీన్ కు పెళ్లి చేసారు. ఇక స్నేహితులుగా ఉన్న ఎన్టీఆర్, వడ్డే నవీన్ కాస్త బంధువులు అయ్యారు.
ఇక వ్యక్తిగత కారణాలతో వడ్డే నవీన్ అయన భార్య విడిపోయారు. ఇక సినిమాల్లో కూడా వడ్డే నవీన్ మెల్లగా కనుమరుగయ్యారు. ఒకప్పుడు మంచి హిట్స్ అందుకుని ఒక వెలుగు వెలిగిన హీరో లవర్ బాయ్ గా ఇమేజ్ సొంతం చేసుకుని, ఫ్యామిలీ హీరోగా మారిన వడ్డే నవీన్ టాప్ హీల్లో ఒకడిగా ఉండాల్సిన వాడు సినిమాలకు దూరంగా ఉంటున్నారు. మళ్ళీ మంచి సినిమాతో రీ ఎంట్రీ ఇవ్వాలని భావించి కథల విషయంలో జాగ్రత్తగా ఉన్నారట నవీన్.
