వైష్ణవ్ తేజ్, క్రిష్ సినిమా ఫస్ట్ లుక్ విడుదల అయ్యేది ఆరోజే?

“ఉప్పెన” సినిమా ద్వారా సినిమా ఇండస్ట్రీలోకి అడుగుపెట్టిన మరొక మెగా హీరో వైష్ణవ తేజ్ మొదటి సినిమాతోనే ఎనలేని అభిమానాన్ని సంపాదించుకున్నారు. ప్రేమ కథా చిత్రంగా తెరకెక్కిన ఈ సినిమా బ్లాక్ బస్టర్ విజయం సాధించడంతో ఇండస్ట్రీలో వైష్ణవ్ తేజ్ కి వరుస అవకాశాలు వెల్లువెత్తాయి. ఈ క్రమంలోనే వైష్ణవ్ తన రెండవ సినిమాను క్రిష్ దర్శకత్వంలో నటించారు.

క్రిష్ దర్శకత్వంలో తెరకెక్కిన ఈ చిత్రంలో ఈ మెగా హీరో సరసన రకుల్ ప్రీత్ సింగ్ నటిస్తున్నారు. ఇప్పటివరకు ఈ చిత్రానికి ఎలాంటి టైటిల్ లేకపోయినప్పటికీ సినిమా షూటింగ్ మొత్తం పూర్తి చేసుకుందని తెలుస్తుంది. షూటింగ్ పనులు పూర్తిచేసుకున్న ఈ చిత్రం ప్రస్తుతం పోస్ట్ ప్రొడక్షన్ పనులు జరుపుకుంటోంది. ఈ క్రమంలోనే ఈ సినిమాకు సంబంధించి తాజా సమాచారాన్ని దర్శకుడు క్రిష్ ఈ రోజు ఉదయం ట్విట్టర్ ద్వారా తెలియజేశారు.

ఈ సందర్భంగా దర్శకుడు ఒక వీడియోను ట్విట్టర్ ద్వారా పోస్ట్ చేస్తూ ఈ సినిమా నుంచి ఫస్ట్ లుక్ విడుదల చేసే తేదీ సమయాన్ని వెల్లడించారు. ప్రస్తుతం క్రిష్ చేసిన ఈ ట్వీట్ సోషల్ మీడియాలో వైరల్ గా మారింది. ఈ వీడియోలో సూర్యాస్తమయ సమయంలో హీరో వైష్ణవ తేజ్ తో పాటు ఇతర గ్రామీణలు, పశువులు గొర్రెలు, అడవిలో నడుస్తున్నట్లుగా ఉంది. ప్రస్తుతం ఈ వీడియో సోషల్ మీడియాలో వైరల్ గా మారింది.

ఇక ఈ సినిమాకు సంబంధించిన టైటిల్, ఫస్ట్ లుక్ ఈ నెల 20వ తేదీన ఉదయం 10:15 గంటలకు విడుదల చేయనున్నట్లు ఈ సందర్భంగా డైరెక్టర్ క్రిష్ తెలియజేశారు. ఇక పోతే ఈ సినిమాకు జ్ఞానశేఖర్ సినిమాటోగ్రఫీ చేయగా, ఎం.ఎం.కీరవాణి సంగీతాన్ని సమకూర్చారు. సన్నపురెడ్డి వెంకటరామిరెడ్డి రచించిన “కొండల పొలం” అనే నవల ఆధారంగా ఈ సినిమాను తెరకెక్కించినట్లు డైరెక్టర్ క్రిష్ ఇదివరకే తెలియజేశారు.