Varaha Rupam: వరాహ రూపం పాటతో ఒక్కసారిగా ఫేమస్ అయిన సింగర్ శ్రీ లలిత.. ఈమె బ్యాక్ గ్రౌండ్ ఏంటో తెలుసా?

Varaha Rupam: రిషబ్ శెట్టి హీరోగా, ఆయన దర్శకత్వంలో నటించిన కాంతార సినిమా ఎలాంటి క్రేజ్ సంపాదించుకుందో అందరికీ తెలిసిందే. ఇలా అన్ని భాషలలోనూ ఈ సినిమా విడుదల అయ్యి బాక్సాఫీస్ వద్ద ప్రభంజనం సృష్టించింది. ముఖ్యంగా ఈ సినిమాలో వరాహ రూపం పాట ప్రతి ఒక్కరిని ఎంతగానో ఆకట్టుకుందని చెప్పాలి.

ఈ విధంగా ఒక సినిమాలో హిట్ అయిన పాటలను చాలామంది కవర్ సాంగ్స్ చేస్తూ మరింత ఫేమస్ అవుతారు. ఈ క్రమంలోనే వరాహ రూపం సాంగ్ ను కవర్ సాంగ్ చేస్తూ ఫేమస్ అయినటువంటి వారిలో సింగర్ శ్రీ లలిత ఒకరు. ఈ పాటను ఈమె సరికొత్త ఇన్స్ట్రుమెంట్ తో రీ క్రియేట్ చేసి వార్తల్లో నిలిచారు. మరి ఈ శ్రీ లలిత ఎవరు ఏంటి అనే విషయానికి వస్తే.

శ్రీ లలిత తల్లిదండ్రులు ఇద్దరు కూడా సంగీత నేపథ్యం ఉన్నవాళ్లు కావడం విశేషం అయితే చిన్నప్పటి నుంచి సంగీతంపై ఎంతో మక్కువ ఉన్నటువంటి శ్రీ లలితకు శిక్షణ ఇప్పించడమే కాకుండా ఈమె ఎన్నో సింగింగ్ కాంపిటీషన్ కార్యక్రమాలలో పాల్గొని సందడి చేశారు. బోల్ బేబీ బోల్, సూపర్ సింగర్, స్వరాభిషేకం,స్వర్ణ నీరాజనం సరిగమ లిటిల్ చాంప్ వంటి ఎన్నో కార్యక్రమాలలో పాల్గొని తన స్వరాన్ని అందరికీ వినిపించారు.

Varaha Rupam: సింగింగ్ కాంపిటీషన్ కార్యక్రమాలలో సందడి చేసిన శ్రీ లలిత…

అయితే అప్పుడు ఈమె చిన్నగా ఉండటం వల్ల పెద్దగా ఎవరు తనని గుర్తుపట్టకపోవచ్చు కానీ ప్రస్తుతం వరాహ రూపం అనే పాటను రీ క్రియేట్ చేయడంతో ఒక్కసారిగా ఎంతో ఫేమస్ అయ్యారు. ఈ పాటకు ఏకంగా 3 మిలియన్ వ్యూస్ రావడం విశేషం. ఇలా కజు అనే ఇన్స్ట్రుమెంట్ ద్వారా ఈ పాటను ఎంతో అద్భుతంగా పాడి ఎంతో మంది అభిమానులను సొంతం చేసుకున్నారు. ఈ క్రమంలోనే ఈ పాట అనంతరం ఈమె ఇంటర్వ్యూలకు హాజరవుతూ పెద్ద ఎత్తున వార్తల్లో నిలిచారు.ఇప్పటివరకు ఎన్నో సిగ్గింగ్ కాంపిటీషన్ కార్యక్రమాలలో సందడి చేసిన ఈమెకు ఇప్పటివరకు సినిమా అవకాశాలు రాలేదు. అయితే ఈ వరాహ రూపం పాట ద్వారా ఈమెకు అవకాశాలు వస్తాయి అనడంలో ఏ మాత్రం సంకోచం వ్యక్తం చేయాల్సిన పనిలేదు.