Veerasimha Reddy: అమెరికాలో రచ్చ చేసిన బాలయ్య అభిమానులు… షో మధ్యలో ఆపి బయటకు పంపిన యాజమాన్యం!

Veerasimha Reddy: బాలకృష్ణ అఖండ వంటి బ్లాక్ బస్టర్ సినిమా తర్వాత నటించిన చిత్రం వీర సింహారెడ్డి. ఈ సినిమా గోపీచంద్ మలినేని దర్శకత్వంలో రాయలసీమ ఫ్యాక్షన్ బ్యాక్ డ్రాప్ లో ప్రేక్షకుల ముందుకు వచ్చింది.ఇక ఈ సినిమా మొదటి షో నుంచి అద్భుతమైన టాక్ సొంతం చేసుకొని థియేటర్లలో ప్రేక్షకులను సందడిచేస్తోంది.

ఇక బాలయ్యకు కేవలం రెండు తెలుగు రాష్ట్రాలలోనే కాకుండా విదేశాలలో కూడా అభిమానులు ఉన్నారనే విషయం మనకు తెలిసిందే. ఈ క్రమంలోనే అమెరికాలోఒక థియేటర్లో వీర సింహారెడ్డి సినిమా ప్రసారం కాగా బాలయ్య ఫ్యాన్స్ పెద్ద ఎత్తున రచ్చ చేశారు. జై బాలయ్య అంటూ గట్టిగా కేకలు వేయడమే కాకుండా పెద్ద ఎత్తున పేపర్లు గాలిలోకి విసురుతో ఈ సినిమాని ఎంజాయ్ చేశారు.

అయితే థియేటర్లో ప్రేక్షకులు అత్యుత్సాహం కనబరచడంతో థియేటర్ యాజమాన్యం షో మధ్యలో నిలిపివేశారు. ఇలాఇప్పటివరకు ఎన్నో సినిమాలు విడుదలయ్యాయి కానీ ఏ సినిమా విషయంలోనూ ఇలా జరగలేదని యాజమాన్యం వెల్లడించారు. ఆయనప్పటికీ బాలయ్య అభిమానులు పెద్ద ఎత్తున థియేటర్లో కేకలు వేస్తూ ఉండడంతో చేసేదేమీ లేక థియేటర్ యాజమాన్యం షో ఆపివేసి ప్రేక్షకులందరినీ బయటకు పంపించేశారు.

Veerasimha Reddy: గాల్లో పేపర్లు విసురుతూ రచ్చ చేసిన అభిమానులు…

ఇక మరొక థియేటర్లో కూడా ప్రేక్షకులు గట్టిగా జై బాలయ్య అంటూ కేకలు వేయడంతో థియేటర్ యాజమాన్యం అరవకూడదంటూ ప్రేక్షకులకు హెచ్చరించారు. ఏది ఏమైనా బాలయ్య సినిమా విడుదలైన సందర్భంగా అభిమానుల హంగామా మామూలుగా లేదని చెప్పాలి. ఇక రెండు తెలుగు రాష్ట్రాలలో కూడా అభిమానులు థియేటర్ల ముందు కటౌట్లకు పాలాభిషేకంతో పాటు రక్తంతో కూడా అభిషేకం చేశారు అలాగే కొన్ని చోట్ల థియేటర్ల ముందు మేకపోతులను కూడా బలి ఇవ్వడం గమనార్హం.