Venky Atluri: నా సినిమా చేయటానికి తెలుగు హీరోలు ఇష్టపడలేదు…. వెంకీ అట్లూరి షాకింగ్ కామెంట్స్!

Venky Atluri: తెలుగు సినీ ఇండస్ట్రీలో దర్శకుడుగా మంచి సక్సెస్ అందుకున్న వెంకీ అట్లూరి ఇటీవల కాలంలో పెద్ద ఎత్తున విమర్శలను ఎదుర్కొంటున్న విషయం తెలిసిందే. ఈయన ఇటీవల లక్కీ భాస్కర్ అనే సినిమా ద్వారా ప్రేక్షకుల ముందుకు వచ్చారు. ఈ సినిమాలో దుల్కర్ సల్మాన్ హీరోగా నటించారు. ఇక ఈ సినిమా ప్రేక్షకుల ముందుకు వచ్చి ఎంతో అద్భుతమైన విజయాన్ని అందుకుంది.

ఈ తరుణంలోనే వెంకీ అట్లూరి తెలుగు హీరోలకు రొటీన్ ప్రేమకథ సినిమాలు చేస్తారు కానీ బయట హీరోలతో మాత్రం ఎంతో విభిన్నమైన కథలను సినిమాలుగా చేస్తూ మంచి హిట్స్ అందిస్తున్నారు అంటూ ఈయనపై విమర్శలు వచ్చాయి. తాజాగా ఈ విమర్శలపై వెంకీ అట్లూరి స్పందించారు. ఈ సందర్భంగా ఆయన మాట్లాడుతూ చేసిన కామెంట్స్ వైరల్ అవుతున్నాయి.

లక్కీ భాస్కర్ సినిమా కంటే ముందుగానే హీరో ధనుష్ తో సార్ అనే సినిమా చేసిన సంగతి మనకు తెలిసిందే. ఈ సినిమా కూడా మంచి సక్సెస్ అందుకుంది. ఇక ఈ సినిమా కథను మన టాలీవుడ్ హీరోలకు చెప్పినప్పుడు ఎవరు కూడా ఈ సినిమాకి ఓకే చేయలేదు. హ్యాపీ ఎండింగ్ లేదు అంటూ చాలా మంది ఈ సినిమాని రిజెక్ట్ చేశారు. ఇలా తెలుగు వాళ్ళందరూ కూడా ఈ సినిమాని రిజెక్ట్ చేయడంతో తాను తమిళ హీరో ధనుష్ ను కలిసి ఆయనకు కథ చెప్పాను..

Venky Atluri: హ్యాపీ ఎండింగ్ లేదు..

ఈ విధంగా ధనుష్ కు కథ చెప్పడంతో ఎప్పుడు సినిమా స్టార్ట్ చేద్దాం అంటూ తన డేట్స్ ఇచ్చారు.. మన టాలీవుడ్ ప్రేక్షకులకు, నిర్మాతలకు ఒక సినిమా చూసిన తర్వాత ప్రేక్షకులు హ్యాపీగా బయటకు రావాలి అందుకే ఈ సినిమాని రిజెక్ట్ చేశారు. కానీ ధనుష్ గారు ఈ సినిమాకి ఓకే చేయడంతో నాలుగు మరింత కాన్ఫిడెన్స్ పెరిగింది అంటూ వెంకీ అట్లూరి చేసిన కామెంట్స్ వైరల్ అవుతున్నాయి.

https://x.com/CinemaWithAB/status/1862828477482693107?ref_src=twsrc%5Etfw%7Ctwcamp%5Etweetembed%7Ctwterm%5E1862828477482693107%7Ctwgr%5E5f836ed93bf5b65309c3bc3944f892f171ad2b13%7Ctwcon%5Es1_&ref_url=https%3A%2F%2Ftelugu.samayam.com%2Ftelugu-movies%2Fcinema-news%2Fvenky-atluri-about-dhanush-vaathi-script%2Farticleshow%2F115858601.cms