ఇక వారానికి 3 రోజులు హాలిడేస్.. త్వరలో రాబోతున్న కొత్త లేబర్ చట్టం..!

ఇకపై వారానికి 4 రోజులు మాత్రమే పని దినాలు మిగిలిన 3 రోజులు సెలవులు.. ఆహా ఈ వార్తా వింటుంటే ఉద్యోగులు ఎగిరిగంతేస్తారు. అయితే యాజమాన్యాలకు ఇది ఏమాత్రం మింగుడుపడని విషయం. అసలు వారానికి 2 రోజులు సెలవులు ఇవ్వడమే ఎక్కువ అన్నట్టుగా ఫీల్ అవుతుంటారు యాజమాన్యాలు. అయితే ప్రభుత్వం తాయారు చేస్తున్న కొత్త లేబర్ కోడ్ లో ఉద్యోగుల సెలవుల నిబంధనలలో మార్పు రావచ్చని అంటున్నారు.

అయితే మన దేశంలో కొత్తగా తయారు చేసిన కార్మిక చట్టం ప్రకారం ఉద్యోగులకు రానున్న రోజుల్లో వారానికి మూడు రోజులు సెలవు ఉంటుందని చెబుతున్నారు. అయితే అటువంటి పరిస్థితిలో వారంలో పనిచేసే గంటలు కాస్త పెరిగే అవకాశం కనిపిస్తుంది. అయితే ఈ కొత్త లేబర్ చట్టం నిబంధనల ప్రకారం కంపెనీ మరియు ఉద్యోగులు పరస్పర అంగీకారం ద్వారా ఈ ఒప్పందం చేసుకోవచ్చు. ఆ అంగీకారంతోనే ఇప్పుడున్న వారానికి ఐదు రోజుల పనిదినాలకు బదులుగా 4 రోజులు పనిదినాలు ఉంటాయి. రెండు రోజుల సెలవులకు బదులుగా వారంలో 3 రోజులు సెలవు ఉంటుందని చెబుతున్నారు.