Vijay Devarakonda: పులులు పాములతో సాహసాలు చేస్తున్న రౌడీ హీరో… వైరల్ అవుతున్న ఫోటోలు!

Vijay Devarakonda: సాధారణంగా మనం పులులు లేదా పాములు చూసినప్పుడు భయంతో ఆమడ దూరం పరుగులు పెడతాము.అయితే విజయ్ దేవరకొండ మాత్రం పులులు పాములు సింహాలతో పెద్ద ఎత్తున సాహసాలు చేస్తూ ఫోటోలకు ఫోజులిచ్చారు. ప్రస్తుతం ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి.

విజయ్ దేవరకొండ నటిస్తున్న ఖుషి సినిమా సమంత కారణంగా వాయిదా పడిన విషయం మనకు తెలిసిందే.ఇలా సినిమా షూటింగులు లేకపోవడంతో విజయ్ దేవరకొండ హాలిడే వెకేషన్ వెళ్తూ ఎంజాయ్ చేస్తున్నారు. ఈ క్రమంలోని తన ఫ్యామిలీతో కలిసి ఈయన దుబాయ్ వెకేషన్ లో ఉన్న విషయం మనకు తెలిసిందే. ఈ క్రమంలోనే అక్కడ ఓ జూ పార్క్ ను సందర్శించారు.

నిజానికి తనకు పాములంటే ఎంతో భయం అని చెప్పిన విజయ్ దేవరకొండ ఏకంగా పెద్దపెద్ద కొండచిలువలను మెడలో వేసుకొని ఫోటోలకు ఫోజులిచ్చారు. అదేవిధంగా పులులు సింహపు పిల్లలకు పాలు తాపిస్తూ ఈయన ఫోటోలు దిగారు. ఇలా క్రూర మృగాలతో సరదాగా గడుపుతూ పెద్ద ఎత్తున సాహసం చేశారని చెప్పాలి.విజయ్ దేవరకొండ ఇందుకు సంబంధించిన ఫోటోలను సోషల్ మీడియాలో షేర్ చేయడంతో ఒక్కసారిగా వైరల్ అయ్యాయి.

Vijay Devarakonda: ఇదొక తీపి జ్ఞాపకం…

ఇక ఈ ఫోటోలను షేర్ చేసిన ఈయన తనకు పాములంటే ఎంతో భయం అని అయితే పాములతో ఇలా సరదాగా గడపడానికి కృషి చేసినటువంటి సిబ్బందికి కృతజ్ఞతలు తెలియజేశారు. అలాగే సింహం పులులతో మాట్లాడటానికి సహకరించిన జూ సిబ్బందికి కృతజ్ఞతలు తెలుపుతూ ఇది తన జీవితంలో ఒక తీపి జ్ఞాపకమని ఈ ఫోటోలను షేర్ చేశారు. ప్రస్తుతం ఈ ఫోటోలు నెట్టింట చెక్కర్లు కొడుతున్నాయి.