వామ్మో విజయ్ దేవరకొండ ధరించిన టీ షర్ట్ ధర అంతనా?

తెలుగు సినిమా ఇండస్ట్రీలో హీరో విజయ్ దేవరకొండ గురించి ప్రత్యేకంగా చెప్పాల్సిన పనిలేదు. విజయ్ దేవరకొండ నటించిన వరుస సినిమాలు విజయవంతం కావడంతో మంచి పేరు సంపాదించుకోవడమే కాకుండా ప్రస్తుతం వరుస సినిమాలతో ఎంతో బిజీగా ఉన్నారు. ప్రస్తుతం విజయ్ దేవరకొండ పూరి జగన్నాథ్ దర్శకత్వంలో లైగర్ అనే పాన్ ఇండియా చిత్రంలో నటిస్తున్నారు.

ఇదిలా ఉండగా ఆశిష్ , అనుపమ పరమేశ్వరన్ హీరో హీరోయిన్లుగా తెరకెక్కుతున్న చిత్రం “రౌడీ బాయ్స్”. ఈ ఈ సినిమాలోని ప్రేమే ఆకాశం అనే పాటను విడుదల చేయడానికి దిల్ రాజు ప్రత్యేక వేడుకను ఏర్పాటు చేశారు. ఈ కార్యక్రమానికి ముఖ్యఅతిథిగా విజయ్ దేవరకొండను ఆహ్వానించడంతో విజయ్ దేవరకొండ ఈ కార్యక్రమానికి విజయ్ ఎంతో స్టైలిష్ లుక్ లో వెళ్లారు.

బుధవారం రాత్రి జరిగిన ఈ కార్యక్రమానికి విజయ్ దేవరకొండ టీ షర్ట్ ధరించి వెళ్లడంతో అందరి చూపు ఆయన టీ షర్ట్ పై పడింది. స్టైల్ కు కేరాఫ్ అడ్రస్ గా ఉండే విజయ్ దేవరకొండ ఈ కార్యక్రమానికి జీరో టాలరెన్స్ గ్యాంగ్‌స్టర్ స్వెట్ టీషర్ట్‌లో క్యూట్‌గా కనిపించాడు.ఈ క్రమంలోనే విజయ్ దేవరకొండ టీ షర్ట్ ధర ఎంత ఉంటుంది అంటూ సోషల్ మీడియాలో పెద్దఎత్తున చర్చలు మొదలయ్యాయి.

అయితే విజయ్ దేవరకొండ నటించిన ఈ టీ షర్ట్ ధర ఇండియాలో సుమారుగా రూ.10,500 ధర ఉంటుందని తెలియడంతో అభిమానులు ఒక్కసారిగా షాకయ్యారు. ఇలా ఎంతో స్టైలిష్ గా కనిపించే విజయ్ దేవరకొండ ప్రస్తుతం వ్యాపారం చేస్తున్న సంగతి తెలిసిందే. కేవలం వస్త్ర వ్యాపారం మాత్రమే కాకుండా ఏవీడీ అనే మల్టీప్లెక్స్ కూడా రన్ చేస్తున్నారు. ఇదిలా ఉండగా ఈ కార్యక్రమంలో పాల్గొన్న విజయ్ దేవరకొండ త్వరలోనే దిల్ రాజు నిర్మాణంలో మరో సినిమా ఉండబోతోందని ప్రకటించారు.