గ్యాంగ్ లీడర్ నా వల్లే హిట్ అయిందని నేను చెప్పినట్టు తప్పుడు ప్రచారం చేసారు.: విజయశాంతి

గత కొన్ని సంవత్సరాల క్రితం వరకు లేడీ అమితాబ్ గా విజయశాంతి సినిమా ఇండస్ట్రీలో ఎంతో పేరు ప్రఖ్యాతులను సంపాదించుకుంది. ఈమె నటించిన ప్రతిఘటన, ఒసేయ్ రాములమ్మ, కర్తవ్యం సినిమాలు ఆమె కెరియర్ కు టర్నింగ్ పాయింట్ అని చెప్పవచ్చు. అప్పటికే ఎంతో ఫామ్లో ఉన్న విజయశాంతి ఎన్నో అద్భుతమైన సినిమాలలో పవర్ ఫుల్ పోలీస్ ఆఫీసర్ పాత్రలో నటించి మంచి గుర్తింపును సంపాదించుకున్నారు.

ఈ క్రమంలోనే దర్శకుడు విజయబాపినీడు దర్శకత్వంలో మెగాస్టార్ హీరోగా విజయశాంతి హీరోయిన్ గా నటించినటువంటి చిత్రం “గ్యాంగ్ లీడర్”. ఈ సినిమాలో విజయశాంతి పాత్ర కొంతవరకు డామినేటింగ్ అయినప్పటికీ మెగాస్టార్ చిరంజీవి విజయశాంతికి కెమిస్ట్రీ బాగా వర్కౌట్ అయిందని చెప్పవచ్చు. ఈ సినిమాలో విజయశాంతి పాత్రను దర్శకుడు కొంత డిజైన్ చేయగా ఆన్ ది స్పాట్ లో విజయశాంతి తన పాత్రను సరికొత్తగా డిజైన్ చేసి నటించారని ఓ సందర్భంలో వెల్లడించారు.

ఈ సినిమా బాక్సాఫీస్ వద్ద మంచి విజయాన్ని అందుకుంది. అయితే ఈ సినిమా విజయానికి తనే కారణమని, తన వల్లే సినిమా హిట్ అయిందని అప్పట్లో విజయశాంతి ప్రచారం చేసుకుందనే వార్తలు పెద్దఎత్తున వచ్చాయి. అయితే ఓ ఇంటర్వ్యూ సందర్భంలో ఈ విషయం గురించి ప్రస్తావించిన విజయశాంతి పలు ఆసక్తికరమైన విషయాలను వెల్లడించారు.

ఈ సినిమా విజయవంతం కావడానికి కారణం తనేనని, అలాంటి మాటలు తాను ఎప్పుడూ మాట్లాడలేదని, ఎవరో గిట్టనివాళ్లు తన గురించి ఈ విధంగా తప్పుడు ప్రచారం చేశారని విజయశాంతి క్లారిటీ ఇచ్చారు.ఒక వేళ ఆ రోజు నేను ఆ మాటలు అని ఉంటే తర్వాత మేమిద్దరం కలిసి మెకానిక్ అల్లుడు అనే సినిమాలో నటించే వాళ్ళం కాదని ఇంటర్వ్యూ సందర్భంగా విజయశాంతి తెలిపారు.తన మొదటి ఇన్నింగ్స్ లో ఎంతో పేరు ప్రఖ్యాతలు సంపాదించుకున్న విజయశాంతి తన సెకండ్ ఇన్నింగ్స్ కూడా గ్రాండ్ గా ఎంట్రీ ఇచ్చారు.మహేష్ బాబు హీరోగా నటించినటువంటి సరిలేరు నీకెవ్వరు చిత్రం ద్వారా సెకండ్ ఇన్నింగ్స్ ప్రారంభించిన విజయశాంతి ఈ సినిమా ద్వారా మంచి గుర్తింపును సంపాదించుకున్నారు.