సూపర్ స్టార్ కృష్ణ సినిమా షూటింగ్ సమయంలో ఘోర ప్రమాదం జరిగిందనే సంగతి మీకు తెలుసా?

సాధారణంగా సినిమా ఇండస్ట్రీలో సినిమాలను తెరకెక్కించేటప్పుడు కొంత వరకు ప్రమాదాలు చోటు చేసుకోవడం సర్వసాధారణమే.ఈ క్రమంలోనే ఈ సినిమా షూటింగ్లో భాగంగా ఏవైనా కష్టతరమైన సన్నివేశాలను చిత్రీకరించేటప్పుడు హీరో హీరోయిన్లు కాకుండా వారికి డూప్ లను తీసుకొని చిత్రాన్ని తెరకెక్కిస్తారు. అయితే ఈ విధంగా సినిమా ఇండస్ట్రీలో ప్రమాదాలు జరగడం కొన్నిసార్లు ఆ ప్రమాదాలలో మరణించడం కూడా జరుగుతుంటాయి.

ఈ క్రమంలోనే ఒకప్పుడు కృష్ణ, కృష్ణంరాజు, జయప్రద, శ్రీదేవి జంటగా నటించినటువంటి చిత్రం అడవి సింహాలు. వైజయంతి బ్యానర్ పై దర్శకేంద్రుడు రాఘవేంద్రరావు ఈ చిత్రాన్ని తెరకెక్కించారు. ఈ క్రమంలోనే ఒకరోజు షూటింగ్ లో భాగంగా ఈ నలుగురిపై వైజాగ్ బీచ్ లో ఒక పాటను చిత్రీకరించాల్సి ఉంది. ఈ పాట చిత్రీకరణ జరిగే సమయంలో అనుకోని ప్రమాదం జరిగిందని, ఈ ప్రమాదంలో ఒకరు మరణించారనే విషయం తాజాగా వెలుగులోకి వచ్చింది.

వైజాగ్ బీచ్ లో ఈ నలుగురిపై పిల్ల నచ్చింది అనే పాటను చిత్రీకరించాల్సి ఉంది. ఈ క్రమంలోనే చిత్రబృందం మొత్తం వైజాగ్ బీచ్ కి వెళ్లారు.ఆ సమయంలో అక్కడ ఒక వ్యక్తి బెలూన్స్ అన్నింటికీ గ్యాస్ నింపుతూ ఉన్నారు.అయితే ఆ వ్యక్తి అలా నింపడంతో కొందరు పిల్లలు అతనిని ఎంతో ఆశ్చర్యంగా చూస్తూ అక్కడే నిలబడ్డారు. ఆ సమయంలోనే కృష్ణంరాజు జయప్రద అక్కడికి వెళ్లగా వారి మాటలు విని చాలా మంది అక్కడికి చేరుకున్నారు.

ఈ విధంగా బెలూన్స్ లో గ్యాస్ నింపుతున్న సమయం లో సిలిండర్ పేలడంతో ఒక్కసారిగా ఆ వ్యక్తి తల తెగిపడింది. ఆ శబ్దానికి అక్కడ ఉన్నటువంటి పిల్లలు భయంతో వణికిపోయి వెళ్లి ఒక్కసారిగా సినీనటుల దగ్గరికి పారిపోవడంతో పెద్ద పెనుప్రమాదం తప్పిందని చెప్పవచ్చు. లేదంటే మరింత ప్రాణనష్టం జరిగేదని ఓ సందర్భంలో ఈ చిత్రంలో జరిగిన ప్రమాదం గురించి బయట పెట్టారు. ఏది ఏమైనప్పటికీ సినిమా సెట్ లో ఇలా జరగడం అప్పట్లో అందరినీ కలిచివేసిందని సమాచారం.