Viral News : డాక్టర్ ప్రేమకథ వింటే షాకవ్వాల్సిందే! క్లీనర్‌ను పెళ్లాడిన ఎంబీబీఎస్ డాక్టర్! అసలు ఏం జరిగిందంటే..

Viral News : ప్రేమకు కులం, మతం, డబ్బు, హోదా అస్సలు అవసరం లేదని ఈ జంట నిరూపించింది. ఎంబీబీఎస్ చదివిన డాక్టర్ కిశ్వర్ సాహిబా తన ఆసుపత్రిలో పనిచేసే హౌస్ కీపింగ్ అబ్బాయి షెహజాద్‌ను ప్రేమించి పెళ్లి చేసుకుంది. ఈ రోజుల్లో అబ్బాయికి డబ్బు, హోదా, చదువు ఉంటేనే అమ్మాయిలు ఇష్టపడతారు. కానీ కిశ్వర్ మాత్రం షెహజాద్ స్వచ్ఛమైన మనసును చూసి ప్రేమించింది. నిజమైన ప్రేమ అంటే ఇదేనేమో అనిపిస్తుంది కదా!

హైదరాబాద్‌లో నివసిస్తున్న డాక్టర్ కిశ్వర్ సాహిబా, షెహజాద్‌లది నిజంగా ఒక అద్భుతమైన ప్రేమ కథ. డాక్టర్ కిశ్వర్ హైదరాబాద్‌లో ఎంబీబీఎస్ డాక్టర్‌గా పనిచేస్తోంది. షెహజాద్ అదే ఆసుపత్రిలో హౌస్ కీపింగ్ విభాగంలో పనిచేస్తున్నాడు. అయితే మొదటి చూపులోనే షెహజాద్‌ను చూసి కిశ్వర్ మనసు పారేసుకుంది. వెంటనే అతడిని ప్రేమించి పెళ్లి చేసుకుంది. ఈ విషయాన్ని ఆమె సోషల్ మీడియాలో కూడా పంచుకుంది.

అసలు విషయం ఏమిటంటే.. షెహజాద్‌ను మొదటిసారి చూసినప్పుడు అతడు ఆమెకు క్లీనర్ లేదా “ఛాయ్‌వాలా” లాగా కనిపించలేదట. అతడి పని పట్ల శ్రద్ధ, నిబద్ధత, నిరాడంబరమైన మనస్తత్వం ఆమెను ఎంతగానో ఆకట్టుకున్నాయి. ముఖ్యంగా అతడు క్లీనింగ్ చేసే స్టైల్ అంటే ఆమెకు చాలా ఇష్టమట. అందుకే ప్రేమలో పడిపోయింది.

ఆ తరువాత కిశ్వర్ తన ప్రేమను షెహజాద్‌కు చెప్పింది. కానీ డాక్టర్ అయిన కిశ్వర్ తనను ప్రేమిస్తుందని షెహజాద్ మొదట షాక్ అయ్యాడు. ఆమె నుంచి తప్పించుకోవడానికి కూడా ప్రయత్నించాడు. సమాజంలో తన స్థానం ఏంటి, ఆమె స్థానం ఏంటి అని ఆలోచించి భయపడ్డాడు. కానీ కిశ్వర్ ప్రేమలోని నిజాయితీని అర్థం చేసుకున్న షెహజాద్ ఆమె ప్రేమను అంగీకరించాడు. కిశ్వర్ తన జీవితంలోకి రావడం తన అదృష్టంగా భావించాడు.

ఈ ప్రేమకథ నిజంగా చాలా స్పెషల్ కదా! ప్రేమకు ఎలాంటి బంధనాలు ఉండవని ఈ జంట నిరూపించింది. కిశ్వర్, షెహజాద్‌ల బంధం ఎప్పటికీ ఇలాగే సంతోషంగా ఉండాలని కోరుకుందాం!