Waltair Veerayya twitter review : వాల్తేరు వీరయ్య సినిమా హిట్టు కొట్టినట్టేనా… సినిమాపై మొదటి ట్విట్టర్ రివ్యూ…!

Waltair Veerayya twitter review : మెగాస్టార్ ఫ్యాన్స్ తో పాటు కామన్ ఆడియన్స్ కూడా ఎప్పుడెప్పుడా అని ఎదురు చూస్తున్న సినిమా ‘వాల్తేరు వీరయ్య’ జనవరి 13న ప్రేక్షకుల ముందుకు రానే వచ్చింది. మెగాస్టార్ చిరంజీవి హీరోగా నటించిన ఈ సినిమా మైత్రి మూవీ మేకర్స్ బ్యానర్లో వై.రవిశంకర్ మరియు నవీన్ యెర్నేని నిర్మించారు. శృతి హాసన్ హీరోయిన్ కాగా మాస్ మహారాజ్ రవితేజ ఒక కీలక పాత్ర పోషించారు. గాడ్ ఫాదర్ మూవీ హిట్ తరువాత బాస్ సినిమా కావడంతో అందులోనూ రవితేజ కూడా ఉండటంతో ప్రేక్షకులలో సినిమాపై బాగా అంచనాలు నెలకొన్నాయి. ఇప్పటికే పలు చోట్ల ఫస్ట్ షో పడిపోవడంతో, సినిమా చూసిన ప్రేక్షకులు తమ అభిప్రాయాలను సోషల్ మీడియా ట్విట్టర్ లో పంచుకుంటున్నారు.

వాల్తేరు వీరయ్య కథనం ఎలా ఉంది…

ఇప్పటికే రిలీజ్ అయిన ట్రైలర్ మరియు పాటలు మంచి క్రేజ్ తో సినిమా మీద అంచనాలను మరింతగా పెంచాయి. జనవరి 13న సినిమా రిలీజ్ అయి మిశ్రమ స్పందనతో దూసుకుపోతోందనే టాక్ వినిపిస్తోంది. చిరంజీవి నటన, డాన్స్, కామెడీ బాగుందని కొందరు కామెంట్ చేస్తున్నారు. ఇక సినిమా ఫస్ట్ హాఫ్ బాస్ ఇమేజ్ తగ్గట్టు లేదని, నేరేషన్ బాగా ఫ్లాట్ గా ఉందని, సెకండ్ హాఫ్ కూడా ఏమంత ఆకట్టుకునేలా లేదని ఒక నెటిజన్ కామెంట్ చేశాడు. మరికొందరు సినిమా చాలా బాగుంది, పూర్వం బాస్ మళ్ళీ తిరిగివచ్చాడు అని కామెంట్ చేస్తున్నారు. ఇక ఫస్ట్ హాఫ్ ర్యాంప్, కామెడీ, ఇంటర్వల్ సీన్ ఇంకా ఫైట్స్ బాగున్నాయి అని కొంతమది కామెంట్ చేశారు.

చిరు, రవితేజ మధ్య సీన్స్ అలానే కామెడీ బాగానే పేలిందంటూ చెబుతున్న ఎమోషనల్ సీన్స్ అంతగా వర్క్ అవుట్ అవలేదంటూ కొందరు నెటిజన్స్ భావిస్తున్నారు. మొత్తానికి వాల్తేరు వీరయ్య వన్ మాన్ షో అనే టాక్ గట్టిగా వినిపిస్తోంది. ఫాన్స్ కి ఒకే కానీ కామన్ ఆడియన్ కి మాత్రం యావరేజ్ కమర్షియల్ సినిమా గాచెప్పొచ్చు. అయితే సినిమా ఫుల్ రివ్యూ రావాలంటే మాత్రం వేచి చూడాల్సిందే.