Sampath Raj: పెళ్లి విషయంలో ఆ తప్పు కారణంగా విడాకులు తీసుకున్నాం.. సంపత్ రాజ్ కామెంట్స్!

Sampath Raj:టాలీవుడ్ ఇండస్ట్రీలో విలక్షణ నటుడిగా ఎంతో మంచి గుర్తింపు సంపాదించుకున్న సంపత్ రాజ్ గురించి ప్రత్యేకంగా చెప్పాల్సిన పనిలేదు.ఈయన మొదటగా దమ్ము, పంజా సినిమాల్లో నటించినప్పటికీ ఈయనకు సినిమా ద్వారా ఎంతో మంచి గుర్తింపు వచ్చింది. ఇలా మిర్చి సినిమా మంచి విజయాన్ని అందుకోవడంతో ఈయనకు వరుస అవకాశాలు వచ్చాయి.

ప్రస్తుతం టాలీవుడ్ ఇండస్ట్రీలో టాప్ విలన్ గా ఎన్నో సినిమాలలో నటిస్తూ ఎంతో బిజీగా ఉన్నారు. ఇకపోతే ఈ నటుడు తాజాగా ఆలీతో సరదాగా కార్యక్రమంలో పాల్గొన్నారు. ఈ కార్యక్రమంలో భాగంగా సంపత్ రాజ్ ఎన్నో విషయాల గురించి చర్చించారు.ముఖ్యంగా తన విడాకుల విషయం గురించి సంపత్ రాజ్ ఈ సందర్భంగా బయటపెట్టారు.

ఈ క్రమంలోనే ఆయన మాట్లాడుతూ తనకు తన భార్యకు సఖ్యత లేకపోవడం కారణంగా విడాకులు తీసుకున్నానని విడాకులు తీసుకోవడంతో తన కూతురు చాలా బాధ పడిందని ఆయన తెలియజేశారు.అసలు విడాకులు తీసుకోవడానికి కూడా కారణం పెళ్లి విషయంలో చేసిన చిన్న తప్పు అని వెల్లడించారు.

అడ్వర్టైజింగ్ కంపెనీ ఉండేది..

చిన్న వయసులోనే పెళ్లి చేసుకోవడం వల్ల మీ ఇద్దరి మధ్య అవగాహన లేక పోయింది. అందుకే విడాకులు తీసుకోవాల్సి వచ్చిందని సంపత్ రాజ్ ఈ సందర్భంగా తెలిపారు.అందుకే చిన్న వయసు లోనే ఎవరు పెళ్లి చేసుకోవద్దని తన కూతురికి కూడా ఇదే విషయాన్ని బాగా అర్థమయ్యేలా తెలియజేశారని నటుడు తెలిపారు. విడాకుల తర్వాత తన కూతురికి అన్నీ తానే చూసుకున్నట్లు తెలిపారు.సినిమాలలోకి రాకముందు అడ్వర్టైజింగ్ కంపెనీ ఉండేదని కన్నడలో ఓ సినిమా చేస్తున్న సమయంలో విడాకులు అయ్యాయని తెలిపారు.ఇక తనకు బాలీవుడ్లో అవకాశాలు కూడా వస్తున్నాయని అయితే సరైన కథనం దొరికినప్పుడే బాలీవుడ్ ఎంట్రీ ఇస్తానని నటుడు సంపత్ ఈ సందర్భంగా తెలియజేశారు.