Writer And Actor Naga Mahesh : అతను నా ల్యాండ్ కబ్జా చేసి నన్నే గుండాలను పెట్టి కొట్టించాలనుకున్నాడు… దెబ్బకు చిరంజీవి గారి దగ్గరికి వెళ్ళిపోయాను…: రైటర్ మరియు నటుడు నాగ మహేష్

Writer And Actor Naga Mahesh : ఘోస్ట్ రైటర్ గా కొన్ని సినిమాలకు పనిచేసిన నాగ మహేష్ గారు సినిమాల్లో నటుడుగా మారాక బాగా గుర్తింపు తెచ్చుకున్నారు. ఆయన ‘రంగస్థలం’లో సమంత కు తండ్రిగా నటించి మంచి గుర్తింపు అందుకున్నారు. అఖండ, వారియర్ ఇలా పలు సినిమాల్లో నటిస్తూ ఉన్న ఆయన రైటర్ గా ఉంటూ ఇపుడు నటుడుగా మారడానికి దారి తీసిన పరిస్థితులు, రియల్ ఎస్టేట్ వ్యాపారంలో జరిగిన గొడవలు వంటి విషయాలను తాజాగా ఒక ఇంటర్వ్యూలో పంచుకున్నారు.

ల్యాండ్ ను కబ్జా చేసి కొట్టించాలని చూసారు…

హైదరాబాద్ లో కొంత లాండ్ తీసుకుని రియల్ ఎస్టేట్ వ్యాపారం చేస్తూండగా ఒక రాజకీయ నాయకుడు అవతల ఒక సేట్ ద్వారా నా ల్యాండ్ కబ్జా చేయాలని చూసారు. ప్రస్తుతం ఆ నాయకుడు చనిపోయారు. దిగువ కోర్ట్ లో నాకు అనుకూలంగా తీర్పు వచ్చింది. ఇంకా పైన కోర్ట్ లో కేసు నడుస్తోంది. అయితే మధ్యలో ఆ రాజకీయ నాయకుడు నన్ను కొట్టించాలని కూడా చూసాడు.

ఆ సమయంలో నేను రాజకీయాల్లోకి కూడా వెళ్ళాను. రియల్ ఎస్టేట్ లోకి వెళితే ఇంత ప్రమాదం ఉంటుందని తెలిసొచ్చింది. ఇక సినిమాల్లో ఉండాలని డిసైడ్ అయి అపుడు చిరంజీవి గారితో ఉన్న పరిచయం వల్ల నటుడు గా మారాను. ఆ నాయకుడి వల్ల ఇబ్బందులను ఎదుర్కొన్నా నాకు మంచే జరిగింది. నటుడుగా ఇపుడు బాగున్నాను లాండ్ విషయంలో కూడా ప్రస్తుతం ఎలాంటి సమస్యలు లేవు అంటూ నాగ మహేష్ తెలిపారు.