Yashoda movie twitter review : లేడీ ఓరియెంటెడ్ సినిమాలో సమంత మెప్పించిందా?? యశోద ప్రేక్షకులను ఆకట్టుకుందా?? యశోద సినిమా ట్విట్టర్ రివ్యూ…!

Yashoda movie twitter review : శ్రీదేవి మూవీస్ పతాకం పై శివలెంక ప్రసాద్ నిర్మించిన ‘యశోద’ సినిమా నవంబర్ 11 న విడుదల అయింది. హరి, హరీష్ దర్శకత్వంలో వచ్చిన ఈ సినిమాలో లీడ్ రోల్ లో సమంత నటించింది. గర్భవతిగా ఉన్న సమంత ఫస్ట్ లుక్ ని మొదట చూపించి సినిమా షూటింగ్ అప్పుడే సినిమా మీద బజ్ పెంచేసింది చిత్ర యూనిట్. సినిమాను చాలా ప్రతిష్టాత్మకంగా తీసుకున్న సమంత ఈ సినిమా కోసం బాగా కష్టపడింది. మరి సినిమాకు తన కష్టానికి ఫలితం దక్కిందా… సినిమా విడుదల ఈరోజు అయితే యూఎస్ బాక్స్ ఆఫీస్ లో ఆల్రెడీ బొమ్మ పడింది కాబట్టి చూసిన ప్రేక్షకులు సోషల్ మీడియాలో తమ అభిప్రాయాలను సినిమా ఎలా ఉంది అనే విషయాన్ని పంచుకున్నారు.

డీసెంట్ థ్రిల్లర్…

యశోద మూవీ మీద మొదటి నుండి మంచి ఎక్స్పెక్టేషన్స్ ను ప్రమోషన్స్ ద్వారా చిత్ర యూనిట్ క్రియేట చేసింది. అందుకు తగ్గట్టే సినిమా బాగుంది అనే పాజిటివ్ టాక్ వినపడుతోంది. మొదటి భాగం ఎంగేజింగ్ గా సాగిపోతోంది ఇక సెకండ్ హాఫ్ ఎమోషనల్ డ్రామా గా ఉంటుంది అంటూ ట్విట్టర్ వేదికగా సినిమా గురించి చెప్పేస్తున్నారు. సరోగసీ వైద్యం నేపథ్యంలో సాగే కథలో హత్య జరగడం దాని ఇన్వెస్టిగేషన్ ఇతివృత్తంగా కథ సాగనుంది.

ఫస్ట్ హాఫ్ ఇంటర్వెల్ ముందు 20 నిముషాలు బాగా ఆకట్టుకుంటుందని ప్రేక్షకులు అభిప్రాయపడుతున్నారు. ఇక సమంత తన నటనలో ది బెస్ట్ ఇచ్చిందని, సినిమాను తన నటనతో ఎక్కడికో తీసుకెళ్లిందని అభిప్రాయపడుతున్నారు. సమంత ఇంట్రడక్షన్ కుడా చాలా నార్మల్ గా తీసుకురావడం వల్ల కథలో ఎంగేజ్ అవుతామని, ఇక మణిశర్మ బ్యాక్ గ్రౌండ్ స్కోర్ అద్భుతంగా ఉందని చెప్తున్నారు. ఓవరాల్ గా సినిమా డీసెంట్ ఎంగేజింగ్ థ్రిల్లర్ అంటూ అభివర్ణిస్తున్నారు. ఇక యశోద సినిమాను ప్రపంచవ్యాప్తంగా మొత్తం 1350 థియేటర్లలో రిలీజ్ చేశారు. నైజాంలో 195, సీడెడ్ 80, ఆంధ్రా 225, మిగిలిన ఇండియా 600, ఓవర్సిస్ లో 250 థియేటర్లలో విడుదల అయింది.