ఆర్. నారాయణమూర్తి ని అరెస్ట్ చేసిన హైదరాబాద్ పోలీసులు..!

0
847

ప్రముఖ నటుడు, ఉద్యమ సినిమాల డైరెక్టర్ కం హీరో ఆర్ నారాయణ మూర్తిని హైదరాబాద్ పోలీసులు అరెస్ట్‌ చేశారు. తాజగా కేంద్రం తెచ్చిన కొత్త వ్యవసాయ చట్టాలకు వ్యతిరేకంగా గత కొన్ని నెలలుగా రైతులు ఆందోళన చేస్తున్నారు. ఈ నేపద్యంలో రైతుల ఆందోళనకు మద్దతుగా హైదరాబాద్‌ ప్రాంతంలో ఛలో రాజ్ భవన్ కార్యక్రమం జరిగింది. ఆ ర్యాలీలో పాల్గొన్నారు ఆర్‌ నారాయణ మూర్తి. అయితే రాజ్ భవన్‌ కు వెళ్లేందుకు ప్రయత్నిస్తున్న సమయంలో అక్కడకి వెళ్లేందుకు అనుమతి లేదని వారిని అడ్డుకుని తిరిగి వెళ్లిపోవాల్సిందిగా కోరారు. అయితే వారు వెనక్కి వెళ్లేందుకు నిరాకరించడంతో పోలీసులు అరెస్ట్‌ చేశారు. ఈ క్రమంలో అరెస్ట్‌ అయిన ఆందోళనకారులలో ఉద్యమ సినిమాల హీరో నారాయణ మూర్తి కూడా ఉన్నారు.

ఈ నేపధ్యంలో ఆర్ నారాయణ మూర్తి మాట్లాడుతూ… కేంద్రం కొత్తగా తీసుకొచ్చిన వ్యవసాయ చట్టాలతో రైతులకు ఎటువంటి ప్రయోజనం లేదు. ఇలానే 2006లో బీహార్‌ రాష్ట్రంలో కూడా కొత్త వ్యవసాయ చట్టాలను తీసుకు వచ్చారు. ఆ చట్టం వల్ల అసలు అక్కడ రైతులే లేకుండా పోయారు. అక్కడి రైతులు అందరూ కూలీలుగా మిగిలి పోయారు. అందుకే కేంద్రం ఆ మూడు కొత్త వ్యవసాయ చట్టాలను వెనక్కు తీసుకోవాలని డిమాండ్‌ చేశాడు. వ్యవసాయం, విద్యా, వైధ్యం ను ప్రైవేటీకరణ చేసే ప్రయత్నాలను కేంద్రం మానుకోవాలని ఆయన పేర్కొన్నాడు.