తెలంగాణ రాష్ట్రంలో కరోనా వ్యాప్తి కొనసాగుతోంది. గడిచిన 24 గంటల్లో కొత్తగా 1,114 పాజిటివ్ కేసులు.. 12 మరణాలు నమోదైనట్లు ఆ రాష్ట్ర వైద్యారోగ్య శాఖ వెల్లడించింది. కరోనా నుంచి 5,96,628 మంది కోలుకుని డిశ్చార్జి కాగా.. రాష్ట్రవ్యాప్తంగా 16,462 యాక్టివ్ కేసులు ఉన్నట్లు తెలిపింది.
ఇప్పటి వరకు రాష్ట్రంలో మొత్తం కరోనా కేసులు 6,16,688కి చేరాయి. కరోనాతో 3,598 మంది మృతి చెందారు. 24 గంటల వ్యవధిలో 1,18,109 నమూనాలను పరీక్షించినట్లు తెలంగాణ రాష్ట్ర ప్రభుత్వం తెలిపింది.
