సూపర్ స్టార్ మహేశ్‌బాబు హీరోగా ప్రముఖ సినీ నిర్మాణ సంస్థ​ ఏకే ఎంటర్‌టైన్‌మెంట్స్‌ ” సరిలేరు నీకెవ్వరు” అనే సినిమా నిర్మిస్తున్నారు ఈవిషయం తెలిసందే అయితే తాజాగా ఈ నిర్మాణ సంస్థపై హీరో మహేష్ బాబు అభిమానులు ఆగ్రహం వ్యక్తం చేస్తున్నారు. హీరో మహేశ్‌బాబుతో ఫొటో దిగడానికి రమ్మని తమను తీవ్రంగా అవమానించారని మండి పడుతున్నారు. అంతేగాకుండా స్టార్‌ హీరోకు తగినట్టుగా ఏర్పాట్లు చేయలేదని వాపోయారు. మహేశ్‌బాబుతో ఫొటో దిగాలనుకుంటే గచ్చిబౌలిలోని అల్యూమినియం ఫ్యాక్టరీకి రావాలని నిర్వాహకులు ప్రచారం చేయడంతో రెండు తెలుగు రాష్ట్రాలలోని అభిమానులు వివిధ ప్రాంతాల నుంచి పెద్ద ఎత్తున తరలివచ్చారు. అయితే నిర్వాహకులు సరైన ఏర్పాట్లు చేయకపోవడంతో తోపులాట జరిగి కొందరు అభిమానులు గాయాలపాలయ్యారు. మరో ఇద్దరికి కాళ్లు విరిగినట్టు సమాచారం.

అక్కడ ఉన్న బౌన్సర్లు తమతో చాలా దురుసుగా వ్యవహరించారని, తమపై చేయి చేసుకున్నారని అభిమానులు ఆరోపించారు. తమను ఎందుకు కొట్టారో అర్థం కావడం లేదని అభిమానులు వాపోయారు. అసలు అభిమానులను కొట్టాల్సిన అవసరం ఏంటని ప్రశ్నించారు. కొందరు అభిమానులు 30 మందితో కలిసి రైళ్లో సీట్లు దొరక్కపోయినా రాత్రంతా ప్రయాణం చేసి వచ్చామని, తీరా ఇక్కడి వచ్చాక తమను కొట్టి తరిమేశారని ఒక అభిమాని బాధతో వాపోయాడు. పైగా ఎవరికీ వాళ్ళు పైరవీలు చేసుకుంటున్నారని ఆరోపించాడు. అయితే ఈ కార్యక్రమం రసాభాసగా మారడంతో బ్యారికేడ్లు విరిగిపోయాయి. కోపంతో కొందరు అభిమానులు కుర్చీలు విరగొట్టారు. అయితే ముందే అనుమతి తీసుకుంటే కావాల్సిన భద్రతా ఏర్పాట్లు చేసేవాళ్లమని పోలీసులు చెబుతున్నారు. అనుమతి తీసుకోకుండా కార్యక్రమం చేపట్టినందుకు కార్యక్రమ నిర్వాహకులపై చందానగర్‌ పోలీసులు కేసు నమోదు చేశారు.

LEAVE A REPLY

Please enter your comment!
Please enter your name here