Connect with us

General News

వైఫై డబ్బాలు వస్తున్నాయ్..ఇకపై జియోకి చుక్కలే..

Published

on

జియో.. టెలికాం కంపెనీలను ఒక్కసారిగా మటాష్ చేసినా.. కొత్త తరం కుర్రోళ్ల ఆలోచనలకు మాత్రం గట్టి పని చెప్పింది. జియో దెబ్బకి డేటా చీప్ అయ్యిందని అందరూ అనుకుంటుంటే.. మేము అంతకంటే మరింత చౌకగా డేటా ఇస్తాం ఎక్కడ కావాలంటే అక్కడ వైఫైతో కనెక్ట్ అయ్యి కవాల్సినంత వాడేసుకోండి అంటోంది బెంగళూరుకి చెందిన ఇంటర్నెట్ డేటా. గతంలో రూపాయి కాన్ బాక్స్ లు ఉన్నట్లు.. ఇప్పుడు విఫి డబ్బాలు తీసుకొచ్చింది. ప్రస్తుతం బెంగళూరులో ఇప్పుడు ఏ చిన్న షాపు దగ్గర చూసినా ఈ డబ్బాలు దర్శనం ఇస్తున్నాయి. బెంగళూరు సిటీలో 350 వైఫై డబ్బాలు స్పెషల్ ఎట్రాక్షన్ గా నిలుస్తున్నాయి. మరో 1800 కనెక్షన్స్ పెండింగ్ లో ఉన్నాయని చెబుతున్నారు ఆ కంపెనీ ప్రతినిధులు..


ఈ వైఫై డబ్బాలు ఎలా పని చేస్తాయి :

వైఫై రూటర్లను డబ్బాల్లో వివిధ ప్రాంతాల్లో షాపుల దగ్గర పెడతారు. ఇది 200 మీటర్ల దూరం వరకు కనెక్ట్ అవుతుంది. 50ంబ్ప్స్ స్పీడ్ వస్తుంది. 100ంబ్ – రూ.2, 500 ంబ్ – రూ.10, 1ఘ్భ్ – రూ.20. వ్యాలిడిటీ 24 గంటలు ఉంటుంది. ఈ వైఫై డబ్బాలను షాపుల దగ్గర ఏర్పాటు చేస్తారు. అందులో మీకు కావాల్సిన ప్యాకేజీకి ఓచర్ కార్డు కొనుగోలు చేసుకోవాలి. కనెక్ట్ కావడానికి సంబంధిత వెబ్ సైట్ కు వెళ్లి మన ఫోన్ – కార్డులోని నెంబర్ ను ఎంటర్ చేస్తే ఓటీపీ వస్తోంది. దాన్ని ఎంటర్ చేయగానే వైఫై కనెక్ట్ అవుతుంది. మనం మొబైల్ నంబర్ ను రీఛార్జ్ చేసుకున్న విధంగానే ఉంటుంది. మొబైల్ ప్రీ పెయిడ్ కస్టమర్లకు మాత్రమే ఇది వర్తిస్తుంది. కనీసం రూ.2 నుంచి రూ.20 వరకు ప్యాకేజీలు ఇందులో ఉన్నాయి. 1ఘ్భ్ డేటాను చాలా తక్కువగా 20 రూపాయలకే అందిస్తున్నారు. ప్యాకేజీలతో కాకుండా ఎప్పుడు కావాలంటే అప్పుడు 2, 10 రూపాయల్లో వైఫై డబ్బా అందుబాటులో ఉండటంతో ఒకేసారి నెట్ డేటా కోసం వందలకు వందల రూపాయలు చెల్లించే బాధ తప్పిందంటున్నారు బెంగళూరువాసులు.

Advertisement

ప్రస్తుతం బెంగళూరు సిటీలో విస్తరిస్తున్న ఈ వైఫై డబ్బాలు.. రాబోయే రోజుల్లో మన సిటీకే కాకుండా ప్రతి పల్లెపల్లెకి వచ్చే రోజులు దగ్గరలోనే ఉన్నాయి.

Advertisement
Continue Reading
Advertisement

Breaking News

Breaking News : డీఎస్సీపై ఏపీ హైకోర్టు కీలక ఆదేశాలు.

Published

on

డీఎస్సీపై ఏపీ హైకోర్టు కీలక ఆదేశాలు. ఎస్జీటీ పోస్టుల భర్తీకి బీఈడీ అభ్యర్థులను అనుమతించే నిబంధనపై స్టే విధించిన హైకోర్టు. బీఈడీ అభ్యర్థులను అనుమతించబోమని కోర్టుకు తెలిపిన ప్రభుత్వం. తదుపరి విచారణ 8వారాలకు వాయిదా వేసిన హైకోర్టు.

Advertisement
Continue Reading

Featured

Ayodhya: అయోధ్యకు వెళ్లాలనుకుంటున్నారా.. విమాన టికెట్ ధర తెలిస్తే మాత్రం నోరెళ్లబెట్టాల్సిందే?

Published

on

Ayodhya: అయోధ్య.. ప్రస్తుతం దేశవ్యాప్తంగానే కాకుండా సోషల్ మీడియాలో ఎక్కడ చూసినా కూడా ఈ పేరు మారుమోగిపోతోంది. గత కొద్దిరోజులుగా అయోధ్య పేరు సోషల్ మీడియాలో ఎక్కువగా వినిపిస్తున్న విషయం తెలిసిందే.. అందుకు కారణం కూడా లేకపోలేదు. జనవరి 22, 2024న అయోధ్య రామమందిర ప్రారంభోత్సవం జరగనుంది. దాంతో అయోధ్యకు సంబంధించిన వార్తలు విషయాలు ఎప్పటికప్పుడు సోషల్ మీడియాలో వైరల్ అవుతూనే ఉన్నాయి. అయితే ఈ ప్రారంభోత్సవ కార్యక్రమానికి హాజరవ్వడం కోసం దేశవ్యాప్తంగా ఉన్న ఎంతోమంది ఆసక్తిగా ఎదురుచూస్తున్నారు. ఈ చారిత్రాత్మక ఘట్టాన్ని చూసేందుకు దేశవ్యాప్తంగా ఉన్న హిందువులు తీర్థయాత్రకు సిద్ధమవుతున్నారు.

అయోధ్యకు భక్తులు పోటెత్తడంతో, వారి ప్రయాణాన్ని సులభతరం చేయడానికి విమాన, రైలు ప్రయాణ ఎంపికలు కూడా నిర్వహించబడ్డాయి. ఇది ఇలా ఉంటే అయోధ్యకు విమానం ద్వారా వెళ్లాలి అనుకున్న వారికి ఒక చేదు వార్త ఎదురైంది. ఎందుకంటే ఈ అయోధ్యకు వెళ్లడానికి భక్తులు ఎక్కువగా ఆసక్తిని చూపిస్తుండడంతో డిమాండ్ విపరీతంగా పెరిగిపోయింది. దాంతో విమాన ఛార్జీలు గణనీయంగా పెరిగాయి. జనవరి 19న ముంబై నుండి అయోధ్యకు వెళ్లే విమాన టిక్కెట్‌లను తనిఖీ చేయడం, ఇండిగో విమానం ప్రయాణానికి రూ. 20,700 కోట్ చేయడంతో అస్థిరమైన ధరలు వెల్లడిస్తున్నాయి. అదేవిధంగా, జనవరి 20కి సంబంధించిన ఛార్జీలు దాదాపు రూ.20,000గా ఉంటాయి.

బెంగుళూరు నుండి కూడా, విమాన ఛార్జీకి మినహాయింపు లేదు. ధరలు సుమారు రూ. 8,500కి చేరుకుంటాయి. ఆశ్చర్యకరంగా, ఇప్పుడు అయోధ్యకు విమాన ఛార్జీలు అనేక అంతర్జాతీయ మార్గాలను మించిపోయాయి. ఇది తీర్థయాత్ర ఖర్చులకు ఊహించని కోణాన్ని జోడిస్తుంది. అంతర్జాతీయ విమానాలతో పోల్చి చూస్తే ఈ ద్రవ్యోల్బణం ఏ స్థాయిలో ఉందో అర్థమవుతోంది. జనవరి 19న ముంబై నుంచి సింగపూర్‌కు వెళ్లే డైరెక్ట్ ఫ్లైట్ ధరను పరిశీలిస్తే ఎయిర్ ఇండియా రూ. 10,987 కోట్ చేస్తున్నట్టు చూపుతుండగా, అదే తేదీన నేరుగా బ్యాంకాక్ వెళ్లేందుకు రూ.13,800. రామమందిర ప్రారంభోత్సవానికి ముందు వచ్చిన పర్యాటకుల ప్రవాహం విమాన ఛార్జీలపై కాదనలేని విధంగా ప్రభావం చూపింది.

చార్జీల పెంపు…

Advertisement

ఈ విధంగా విమానంలో అయోధ్యకు చేరుకోవాలి అనుకున్న వారికి చార్జీల పెంపు ఊహించని షాక్ ఇచ్చింది. ఒక్కసారిగా ధరలు పెంచేయడంతో భక్తులు ఇబ్బంది పడుతున్నారు. అంతేకాకుండా భక్తులకు ప్రత్యామ్నాయ ఆలోచనలు కూడా మొదలవుతున్నాయి. లక్షలాది మంది ఈ ఆధ్యాత్మిక ప్రయాణానికి సిద్ధమవుతున్నప్పుడు, పెరుగుతున్న విమాన ఛార్జీలు ఊహించని అడ్డంకిగా నిలుస్తాయి, ఆర్థికపరమైన చిక్కులకు వ్యతిరేకంగా వ్యక్తులు తమ తీర్థయాత్ర ప్రాముఖ్యతను అంచనా వేయడానికి ప్రేరేపిస్తాయి. మరి ఈ విషయాలపై అధికారులు ఎటువంటి నిర్ణయాలు తీసుకుంటారో చూడాలి మరి.

Advertisement
Continue Reading

Featured

Viral: ఆర్టీసీ బస్సుల్లో భిక్షాటన చేస్తున్న కుర్చీ తాత… వైరల్ అవుతున్న వీడియో !!

Published

on

Viral: ఆ కుర్చీ మడత పెట్టి అనే డైలాగుతో ఒక్కసారిగా ఫేమస్ అయ్యారు తెలంగాణకు చెందిన షాషా అనే తాత. ఈయన గత కొన్ని నెలల క్రితం తెలంగాణలో రాజకీయాల గురించి మీడియా సమావేశంలో మాట్లాడుతూ కుర్చీ మడతపెట్టి అంటూ చెప్పినటువంటి డైలాగ్ పెద్ద ఎత్తున ఫేమస్ అయ్యింది. ఈ డైలాగ్ ఎంతలా ఫేమస్ అయ్యింది అంటే ఏకంగా మహేష్ బాబు సినిమాలో పాట పెట్టే అంతగా ఫేమస్ అయ్యింది.

ఇక ఈ డైలాగ్ తో తాత కూడా బాగా ట్రెండ్ అవుతున్నారు. ఇక మహేష్ బాబు సినిమాలో కుర్చీ మడత పెట్టు అనే పాట రిలీజ్ చేసినప్పటి నుంచి ఈ తాత మరింత వైరల్ అవ్వడమే కాకుండా వరుస ఇంటర్వ్యూలకు కూడా హాజరవుతున్నారు.ఇలా పలు ఇంటర్వ్యూలలో పాల్గొన్నటువంటి కుర్చీ తాత ఈ సినిమాలో తన డైలాగ్ చెప్పినటువంటి పాట పెట్టడం చాలా సంతోషంగా ఉందని ఈ పాట తానే పాడాను అంటూ కూడా తెలియజేశారు.

ఇక ఈ పాట పాడినందుకు తనకు లక్ష రూపాయలు ఇచ్చారని చాలా సంతోషంగా ఉంది అంటూ ఈయన పలు ఇంటర్వ్యూలలో పాల్గొంటూ ఈ సినిమాలోని పాట గురించి పలు విషయాలను తెలిపారు. అయితే ఇటీవల కూర్చుతాత ఆర్టీసీ బస్సులలో భిక్షాటన చేస్తూ అందరికీ ఒక్కసారిగా షాక్ ఇచ్చారు.

నన్ను కుర్చీ తాత అంటారు…

Advertisement

ఆర్టీసీ బస్సులలో కుర్చీ తాత భిక్షాటన చేస్తూ నన్ను కుర్చీ తాత అంటారండి ఒక రూపాయి కూడా లేదా అండి అంటూ ఈయన ప్రతి ఒక్కరి దగ్గరికి వెళ్లి బిక్షం అడుగుతో కనిపించారు. దీంతో అందరూ ఒక్కసారిగా షాక్ అవుతున్నారు . పాట పాడి లక్ష రూపాయలు తీసుకున్నటువంటి ఈయనే ఇలా భిక్షాటన చేయడం ఏంటి అంటూ షాక్ అవుతున్నారు. నిజంగానే ఈయన పరిస్థితి ఇలా ఉందా లేకుంటే ప్రమోషన్లలో భాగంగా ఇలా చేస్తున్నారా అన్న విషయం తెలియాల్సి ఉంది.

Advertisement
Continue Reading
Advertisement

Trending

Don`t copy text!