డైరెక్టర్ డాక్టర్ మోహన్ దర్శకత్వంలో త్వరలో విడుదల కానున్న సినిమా 1997. ఈ సినిమాలో డా. మోహన్, నవీన్ చంద్ర, శ్రీకాంత్ అయ్యంగార్, కోటి, బెనర్జీ, రవి ప్రకాష్, రామరాజు తదితరులు నటిస్తున్నారు. ఈ సినిమా ఈశ్వర పార్వతి మూవీస్ బ్యానర్ పై రూపొందుతుంది. ఈ సినిమాకు నందమూరి హరి ఎడిటింగ్ బాధ్యతలు చేపట్టారు. ఇక కోటి ఈ సినిమాకు తన సంగీతాన్ని అందిస్తున్నాడు. మీనాక్షి రమావత్ ఈ సినిమాకు నిర్మాతగా బాధ్యతలు చేపట్టారు.
ఇక ఈ సినిమా రియల్ ఇన్సిడెంట్ నేపథ్యంలో తెరకెక్కనుంది. అంతేకాకుండా భిన్నమైన కథతో ఈ సినిమా రూపొందుతుంది. ఇప్పటికే ఈ సినిమా ఫస్ట్ లుక్ కూడా విడుదలవ్వగా ప్రేక్షకులను బాగా ఆకట్టుకుంది. అంతేకాకుండా మోహన్, నవీన్ చంద్ర, శ్రీకాంత్ అయ్యంగార్ లుక్స్ కూడా బాగా ఆకట్టుకున్నాయి. ఇక ఈ సినిమాలో సింగర్ మంగ్లీ పాడిన మొదటి పాట కూడా విడుదలైంది. ఈ పాటకు కూడా మంచి రెస్పాన్స్ వచ్చింది. తాజాగా ఈ పాట గురించి ప్రకాష్ రాజ్ కూడా అభినందించాడు.
ఈ నేపథ్యంలో కొన్ని విషయాలు కూడా పంచుకున్నాడు. మోహన్ దర్శకత్వంలో రూపొందుతున్న 1997 సినిమాలో పాట విన్నాను అంటూ అంతే కాకుండా కథ గురించి తెలుసుకున్నానని తెలిపాడు. ఈ రోజుల్లో కూడా అందర్నీ బాధపడుతున్న సమస్యల గురించి సినిమా తీశారని ప్రతి ఒక్కరు ఈ సినిమాను తప్పకుండా చూడాలని కోరాడు. ఇటువంటి అద్భుతమైన కథను రూపొందిస్తున్నందుకు ఈ సినిమా బృందానికి కృతజ్ఞతలు తెలిపాడు. పైగా ఈ సినిమా మంచి విజయాన్ని అందుకోవాలని కోరాడు.
