Actor Ananth Prabhu : డైరెక్టర్ త్రివిక్రమ్ శ్రీనివాస్ సినిమాల్లో ఎక్కువగా నటించిన నటుడు అనంత్ ప్రభు ఎక్కువగా హీరో వేణు సినిమాల్లోను కనిపించారు. ‘చిరునవ్వుతో’ సినిమాతో మంచి గుర్తింపు అందుకుని ఆ తరువాత చాలా సినిమాల్లో నటించిన ఆయన త్రివిక్రమ్, సునీల్, వేణు, శ్రీకాంత్, తరుణ్ వంటి మంచి ఫ్రెండ్స్ ఉన్నా కూడా అవకాశాల కోసం ఎవరినీ అడగలేదు అంటూ చెప్పారు. ఇక శ్రీకాంత్, తరుణ్ ఇద్దరూ మంచి స్నేహితులు అంటూ వాళ్ళు నాకు సలహాలు ఇస్తారు అంటూ చెప్పారు.
శ్రీకాంత్ కారు కొంటానంటే అలా అన్నాడు… తరుణ్ నోరుమూసుకో అన్నాడు…
ఇండికా కారు అమ్మి కొత్త కారు కొనాలని అనుకుంటున్నాను అని హీరో శ్రీకాంత్ ని ఒక రోజు సలహాలు అడిగితే నీ కారు మైలేజ్ బాగుందా ఏసీ ఉందా అని అడిగి ఉన్నపుడు ఇంకెందుకు కొత్త కారు, డబ్బు దేనికైనా వాడు అంటూ సలహాలు ఇచ్చాడు. ఇక తరుణ్ అయితే ఒకసారి ఫిల్మ్ ఛాంబర్ వాళ్ళ క్లబ్ కార్డు మూడు లక్షలు కదా తీసుకుంటా అని అడిగితే ఆ తీసుకో ఎపుడు ఇక్కడే ఆడుకుంటూ, తింటూ ఉంటావు కదా తీసుకో అంటూ వెటకారంగా మాట్లాడాడు.
నోరు మూసుకొని ఆ మూడు లక్షలు దేనికైనా వాడుకో అవసరమా నీకు క్లబ్ కార్డు, నీకు ఎపుడైనా కావాలంటే నాది ఉంది కార్డు ఇస్తా తీసుకో, అనవసరంగా డబ్బు వేస్ట్ చేయకు అని చెప్పాడు. అలా ఇద్దరూ మంచి స్నేహితులు కానీ ఎవరి దగ్గరైనా లిమిట్ దాటి వెళ్ళను, సినిమా అవకాశాల కోసమో ఇంకేదానికైనా అడగటం లాంటివి చేయను అంటూ ప్రభు అన్నారు.
