Actor Sri Ram : తమిళంలో తన సినీ ప్రయాణాన్ని ప్రారంభించిన శ్రీరామ్ తెలుగు, మలయాళంలో కూడా మంచి సినిమాలతో అభిమానులను ఆకట్టుకున్నాడు. మొదట 2002 లో వచ్చిన ‘రోజా కూట్టం’ అనే సినిమాతో తమిళంలో తన ప్రస్తానాన్ని ప్రారంభించాడు. అదే సినిమా ‘రోజాపులు’గా తెలుగులో అభిమానులను కూడా పలకరించాడు. తమిళ్ హీరో అయినప్పటికీ తెలుగు వారికి కూడా చాలా దగ్గరయ్యాడు.
షూటింగ్ మధ్యలో పారిపోయిన భూమిక…
ఒకరికి ఒకరు, ఆడువారి మాటలకు అర్థాలే వేరులే, దడ, సుప్రీం, లై, శ్రీనివాస కళ్యాణం, టెన్త్ క్లాస్ డైరీస్ వంటి సినిమాలలో నటించిన శ్రీరామ్ తనదైన నటనతో అభిమానులను సొంతం చేసుకున్నాడు. ఇటీవల జీ5 లో ప్రసారం అయిన ‘రెక్కి’ అనే వెబ్ సిరీస్ లో కూడా నటించారు. అయితే ఇటీవల ఒక యూట్యూబ్ ఛానల్ కు ఇచ్చిన ఇంటర్వ్యూలో పలు ఆసక్తికర విషయాలు పంచుకున్నారు.
తనతో పాటు నటించిన నటీమణులలో భూమిక ది ప్రత్యేక స్థానం అని చెప్పుకొచ్చారు. తన మొదటి సినిమా రోజాపూలు తోనే భూమికతో నటించడం జరిగింది. అయితే ఆ సినిమాలోని పాట చిత్రీకరణ సమయంలో సెట్లో నుండి భూమిక చెప్పకుండా వెళ్ళిపోయిందని చెప్పారు. మూడు రోజుల తరువాత ఎయిర్ పోర్టులో కలిస్తే ఆ షూటింగ్ ఎలా జరిగింది అని నవ్వుతూ అడిగిందని, అప్పుడు చాకుతో పొడిచేయాలనిపించిందని చెప్పారు. ఈమధ్య తనని కలిసినప్పుడు ఈ విషయం గురించి నవ్వుకున్నాం అని, అయితే ఆరోజు తను నవ్వి ఉంటే ఇంకా కోపం వచ్చి ఉండేదని సరదాగా చెప్పుకొచ్చారు.
