Actor Suriya: సాధారణంగా చిత్ర పరిశ్రమలో ఉన్నటువంటి సెలబ్రిటీలకు వివిధ రకాల పురస్కారాలతో వారిని సత్కరించడం సర్వసాధారణం అయితే చిత్ర పరిశ్రమలో అన్నిటికన్నా ఎంతో కీలకంగా అందించే అవార్డులలో ఆస్కార్ అవార్డు ఒకటి. ప్రతి ఏడాది ఈ ఆస్కార్ అవార్డు వేడుకలను ఎంతో ఘనంగా నిర్వహిస్తారు.
ఇలా ప్రతి ఏడాది జరిగే ఆస్కార్ వేడుకలలో భారతీయ చిత్రాలు పోటీ పడకపోవడంతో పెద్దగా వీటిని ఎవరు పట్టించుకునే వారు కాదు. ఇక ఈ ఏడాది లాస్ ఏంజెల్స్ లో జరగబోయే 95వ ఆస్కార వేడుకలలో భాగంగా మన తెలుగు సినిమా ఆస్కార్ నామినేషన్స్ లో ఉండడంతో ప్రతి ఒక్కరి చూపు ఈ ఆస్కార్ అవార్డు వేడుకలపై పడింది. ఈ ఆస్కార్ వేడుకలను చూడటం కోసం పరిచోట్ల బిగ్ స్క్రీన్స్ కూడా ఏర్పాటు చేస్తున్నారు.
ఇక ఆస్కార్ అవార్డులను ఎంపిక చేయడం కోసం పలువురు సెలబ్రిటీలకు ఆస్కార్ ఓటును కూడా కల్పించిన విషయం మనకు తెలిసిందే. ఈ క్రమంలోనే కోలీవుడ్ నటుడు సూర్య సైతం ఈ ఓటు హక్కును కలిగి ఉన్నారు.ఇలా ఓటు హక్కు కలిగినటువంటి సెలబ్రెటీలు ఆన్లైన్ ద్వారా ఈనెల రెండవ తేదీ నుంచి ఏడవ తేదీ వరకు ఓటు హక్కు వినియోగించుకొని అవకాశాన్ని కల్పించారు.
Actor Suriya: తెలుగు సినిమాకి ప్రాధాన్యత ఇచ్చి ఉంటారు…
ఈ క్రమంలోనే నటుడు సూర్య తన ఓటు హక్కును వినియోగించుకున్నట్లు సోషల్ మీడియా వేదికగా తెలియజేశారు. ఈ విధంగా సూర్య ఓటు హక్కును ఉపయోగించుకున్నట్లు స్క్రీన్ షాట్ కూడా సోషల్ మీడియలో షేర్ చేశారు. ప్రస్తుతం ఇందుకు సంబంధించిన ఫోటో వైరల్ గా మారింది. ఇక సూర్య తప్పకుండా మన తెలుగు సినిమాకి తన ఓటు వేసి ఉంటారని ప్రతి ఒక్కరు భావిస్తున్నారు.