Actress Pragathi : తెలుగులో అమ్మ పాత్రలలో ఎక్కువగా మెరిసి ఎన్నో సినిమాల్లో క్యారెక్టర్ ఆర్టిస్ట్ గా చేసిన నటి ప్రగతి అందరికీ తెలుసు. ఇదంతా కరోనా ముందు అనాలేమో ఇప్పుడు మాత్రం అమ్మ పాత్రలతో కాదు ఇంస్టాగ్రామ్ రీల్స్ తో బాగా పాపులర్. కూతురూతో కలిసి డాన్సులు, ఇక తన వర్క్ అవుట్ వీడియోలతో తాను ఇప్పటి హీరోయిన్లకు ఏమాత్రం తీసిపోను అన్నట్లుగా దూసుకెళతోంది. ఇక ప్రగతి ఆంటీ కి ఇంస్టాగ్రామ్ లో మంచి ఫాలోయింగ్ కూడా ఉంది. అయితే ప్రగతి మొదట హీరోయిన్ అవ్వాలని ఇండస్ట్రీకి వచ్చినా ఒక ఏడో ఎనిమిదో సినిమాల్లో మాత్రమే హీరోయిన్ గా చేసింది. ఆ తరువాత ఇక క్యారెక్టర్ ఆర్టిస్ట్ గా సెటిల్ అయింది. ఇక తన వ్యక్తిగత జీవితం గురించి తాజాగా ఇంటర్వ్యూలో ప్రగతి మాట్లాడారు.
వెంకటేష్ అంటే ఇష్టం… ఆ డాన్స్ కు అందరూ షాక్…
ప్రగతి గారు ఇప్పటికీ దాదాపు తెలుగులో అందరూ కుర్రహీరోలకు తల్లిగా నటించారు. అలాగే హీరోయిన్స్ కి కూడా చాలా మందికి తల్లిగా నటించారు. ఇక పెద్ధ హీరోలైన వెంకటేష్, నాగార్జున లతో నటించారు కానీ బాలకృష్ణ, చిరంజీవి లతో నటించలేకపోయారు. చిరు గారి గాడ్ ఫాదర్ లో ఒక సీన్ లో నటించే అవకాశం వచ్చింది కానీ బాలకృష్ణ గారితో నటించే అవకాశం రాలేదు.
ఇక హీరో వెంకటేష్ అంటే చాలా ఇష్టం అంటూ ఆయన సినిమాల్లో ఎక్కువగా పనిచేసాక ఆయన అంటే మరింత గౌరవం పెరిగిందని, ఆయన ఇన్స్పిరేషన్ అంటూ తెలిపారు ప్రగతి. ఇక ఎన్టీఆర్ గారితో బాద్షా సినిమాలో గుడివాడ వెళ్ళాను అనే సాంగ్ కి డాన్స్, వేసిన స్టెప్పులకు అందరూ షాక్ అయ్యారంటూ తెలిపారు ప్రగతి. అప్పటి వరకు అమ్మ పాత్రలు సాఫ్ట్ క్యారెక్టర్స్ చేస్తున్న తాను డాన్స్ చేయగలనని చాలా మంది అనుకోలేదని తెలిపారు.
