Adire Abhi : అదిరే అభి.. జబర్దస్త్ చూసే వాళ్లకి పరిచయం అక్కర్లేదు. జబర్దస్త్ లో తనదైన స్టైల్లో స్కిట్లు చేస్తూ అభిమానులను అలరిస్తున్నాడు. జబర్దస్త్ తోనే కాకుండా సినిమాల్లో కూడా నటిస్తూ అభిమానులను సంపాదించుకున్నాడు. ప్రభాస్ హీరోగా పరిచయం అయిన ఈశ్వర్ సినిమాతో అభి కూడా సినిమాలలో తన కెరీర్ని ప్రారంభించాడు. కమెడియన్ గానే కాకుండా అసిస్టెంట్ డైరెక్టర్ గా దర్శక ధీరుడు రాజమౌళి దగ్గర చేశాడు. అయితే తాజాగా ఒక ఇంటర్వ్యూలో పాల్గొన్న అభి జబర్దస్త్ గురించి తాను చేసిన స్కిట్ల గురించి ఆసక్తికర విషయాలు చెప్పారు.
ఇండస్ట్రీలో ఒకరిమీద స్కిట్ చేసి తప్పు చేసాను…
జబర్దస్త్ షోలో కామెడీతో అలరించే అభి ఇంటర్వ్యూలో పలు ఆసక్తికర విషయాలు చెప్పారు. జబర్దస్త్ తనకు అదిరే అభి అన్న పేరు ఇచ్చిందని, అందుకే తాను జబర్దస్త్ కు తన వంతుగా మంచి స్కిట్లు అందించడానికే ప్రయత్నం చేస్తానని చెప్పారు. జబర్దస్త్ లో గుర్తుండిపోయే కొన్ని స్కిట్లు అందించానని చెప్పారు. సెలబ్రిటీని షోకి తీసుకురావడం లాంటివి తానే ప్రారంభించాడని చెప్పుకొచ్చారు. అంతే కాకుండా రోజా, నాగబాబుతో తన అనుబంధాన్ని గుర్తుచేసుకున్నాడు.
అదిరే అభి చేసిన స్కిట్లలో తనకు ఇష్టం లేని స్కిట్లు ఉన్నాయా అని అడుగగా… ఉందని సమాధానం ఇస్తూ, దాని గురించి చెప్పాడు. 2014లో జబర్దస్త్ షోలో తాను ఒక స్కిట్ చేయగా.. ఆది ఇండస్ట్రీలో ఒక పెద్దమనిషిని హర్ట్ చేసిందని అందుకు తాను చాలా ఫీల్ అయ్యాను అని చెప్పాడు. ఆ స్కిట్ నేను చేసి వుండిండకూడదని, అది పొరపాటున జరిగిందని లైఫ్ లో వెనక్కి వెళ్లి దాన్ని సరిదిద్దలేను కాబట్టి ఇప్పటికీ బాధ ఉందని చెప్పాడు.
