Aliya Bhatt: రణబీర్ చాలా సెన్సిటివ్…. కూతురి విషయంలో చాలా భయపడుతున్నారు: అలియా భట్

Aliya Bhatt: బాలీవుడ్ క్యూట్ కపుల్ ఆలియా రణబీర్ గురించి ప్రత్యేకంగా పరిచయం చేయాల్సిన అవసరం లేదు. చాలాకాలం డేటింగ్ లో ఉన్న వీరిద్దరూ గతేడా అది పెద్దల అంగీకారంతో వివాహ బంధంలోకి అడుగు పెట్టారు. వివాహమైన కొంతకాలానికి తల్లిదండ్రులు కాబోతున్నట్లు శుభవార్త తెలియజేశారు. ఇక ఆలియా పండంటి ఆడబిడ్డకు జన్మనిచ్చింది.

కూతురు పుట్టిన తర్వాత ఆలియా రణబీర్ దంపతులు ఎక్కువ సమయం తమ కూతురితో గడపటానికి ప్రయత్నిస్తున్నారు. ఇప్పటికే ఆలియా కూతురి కోసం సినిమాలకు బ్రేక్ ఇచ్చి కూతురి బాగోగులు చూసుకుంటుంది. ఇక రణబీర్ కూడా షూటింగ్ కి బ్రేక్ దొరికినప్పుడల్లా కూతురితో కలిసి కబుర్లు చెప్పుతూ ఎంజాయ్ చేస్తున్నారు. ఇదిలా ఉండగా రణబీర్ కపూర్ చాలా సెన్సిటివ్ అని కూతురు పుట్టాక అది మరింత పెరిగిందని ఆలియా ఆసక్తికర విషయాలు తెలిపింది.

ఇటీవల ఒక ఇంటర్వ్యూలో పాల్గొన్న ఆలియా మాట్లాడుతూ..”రణబీర్ నేను ముద్దుగా మా పాపని చీతా అని పిలుచుకుంటాము. మాకు ఎన్ని ఇబ్బందులు ఉన్నా ఎంత అలసటగా ఉన్న తన ముఖం చూడగానే అంతా మరిచిపోతాము. తనని దగ్గరికి తీసుకొని హత్తుకోవడం కన్నా మరేదీ ముఖ్యం కాదని అనిపిస్తుంది అంటూ ఆలియా తెలిపింది.రణబీర్ చాలా సెన్సిటివ్. కూతురు పుట్టాక మరింత సెన్సిటివ్ అయ్యాడు.

Aliya Bhatt: మర్చిపోతుందేమోనన్న భయం…

రణబీర్ కూతురిని భుజాల మీద ఎక్కించుకొని ఆడిస్తుంటే చూడటానికి ఎంతో ముచ్చటగా ఉంటుంది. కూతురితో కలిసి కిటికీ పక్కన కూర్చుని టైం స్పెండ్ చేస్తూ ఉంటాడు. రణబీర్ ఉంటే తను నా దగ్గరికి కూడా రాదు. తను పనిమీద ఎటైనా వెళ్ళినప్పుడు కూతురు తనను మర్చిపోతుందేమో అని భయపడుతూ ఉంటాడు. అందువల్ల రణబీర్ స్థానంలో నేను కిటికీ పక్కన కూర్చుని రాహాకి కబుర్లు చెబుతూ ఉంటాను” అంటూ ఆలియా చెప్పుకొచ్చింది