Allu Arjun: ఐకాన్ స్టార్ అల్లు అర్జున్ ప్రస్తుత పుష్ప 2 సినిమా ప్రమోషన్ కార్యక్రమాలలో ఎంతో బిజీగా గడుపుతున్నారు. ఈ సినిమా డిసెంబర్ ఐదో తేదీ విడుదల కానున్న నేపథ్యంలో ఇటీవల ఈ సినిమా నుంచి ట్రైలర్ విడుదల చేశారు. ఈ ట్రైలర్ లాంచ్ కార్యక్రమం పాట్నాలో జరిగిన సంగతి తెలిసిందే. ఇలా ఈ ట్రైలర్ కు భారీ స్పందన లభిస్తుంది.
ఇక పుష్ప 2 నుంచి ట్రైలర్ లాంచ్ కావడంతో ఎంతోమంది సినిమా సెలబ్రిటీలు ఈ ట్రైలర్ వీడియో పై స్పందిస్తూ అల్లు అర్జున్ కు అలాగే పుష్ప చిత్ర బృందానికి ఆల్ ద బెస్ట్ తెలియజేస్తే సోషల్ మీడియా వేదికగా పోస్టులు చేస్తున్నారు. ఈ క్రమంలోనే యంగ్ హీరో కిరణ్ అబ్బవరం సైతం సోషల్ మీడియా వేదికగా స్పందిస్తూ వైల్డ్ ఫైర్ డిసెంబర్ 5వ తేదీ కోసం వెయిట్ చేస్తున్నా అంటూ ట్వీట్ చేశారు.
ఇలా కిరణ్ చేసిన ఈ పోస్టుకు అల్లు అర్జున్ రిప్లై ఇస్తూ థాంక్యూ మై బ్రదర్ అంటూ కామెంట్స్ చేశారు అలాగే ఆయనకు క్షమాపణలు కూడా చెప్పారు. ఇటీవల మీరు నటించి మంచి సక్సెస్ అందుకున్న క సినిమా తాను చూడలేకపోయానని తెలియజేశారు. ఇటీవల తాను కాస్త బిజీగా ఉన్న నేపథ్యంలో మీ సినిమా చూడలేకపోయానని అతి త్వరలోనే ఈ సినిమా చూసి తప్పకుండా మీకు ఫోన్ చేస్తానని అల్లు అర్జున్ కిరణ్ అబ్బవరంకు రిప్లై ఇచ్చారు.
Allu Arjun: క సినిమా..
ఇకపోతే కిరణ్ అబ్బవరం ఇటీవల క అనే సినిమా ద్వారా ప్రేక్షకుల ముందుకు వచ్చిన సంగతి మనకు తెలిసిందే. దీపావళి పండుగను పురస్కరించుకొని విడుదలైన ఈ సినిమా అద్భుతమైన ఆదరణ సొంతం చేసుకోవడమే కాకుండా ఎంతో మంది సినీ సెలబ్రిటీల చేత ప్రశంశల వర్షం అందుకుంది. ఈ సినిమా సక్సెస్ తో కిరణ్ అబ్బవరం ఎంతో హ్యాపీగా ఉన్నారు.
