Balakrishana: అల్లు అరవింద్ ప్లాన్ మామూలుగా లేదుగా.. తొలిసారిగా బాలయ్యతో ఇలా!

Balakrishana: టాలీవుడ్ ఇండస్ట్రీలో నిర్మాతగా మంచి పేరు ప్రఖ్యాతలు సంపాదించుకున్న అల్లుఅరవింద్ మొదటిసారిగా ఆహా డిజిటల్ ప్లాట్ ఫామ్ ఏర్పాటు చేసిన విషయం మనకు తెలిసిందే. ఈ క్రమంలోనే ఆహ ద్వారా ఎన్నో వెబ్ సిరీస్, సినిమాలు, టాక్ షో లను ఎంతో విజయవంతంగా నడిపిస్తూ… నెంబర్ వన్ స్థానం లో నిలబెట్టారు.

ముఖ్యంగా నందమూరి బాలకృష్ణ వ్యాఖ్యాతగా ఆహా యాప్ ద్వారా అన్ స్టాపబుల్ విత్ ఎన్ బికె పేరుతో టాక్ షో ప్రారంభించి అద్భుతమైన విజయాన్ని అందుకున్నారు. ఈ కార్యక్రమం ద్వారా ఎంతో మంది సబ్స్క్రైబర్లు కూడా పెరిగి పోయారు.ఇక బాలకృష్ణ వ్యాఖ్యాతగా వ్యవహరిస్తున్న ఈ టాక్ షో ఫిబ్రవరి 4వ తేదీ మొదటి సీజన్ పూర్తి కానుంది.

ఇలా బాలకృష్ణ వ్యాఖ్యాతగా ఆహా ప్లాట్ ఫామ్ కు మంచి గుర్తింపు తీసుకురావడంతో నిర్మాత అల్లు అరవింద్ బాలకృష్ణతో కలిసి ఓ సినిమా చేయాలనే ఆలోచనలో ఉన్నట్లు సమాచారం. ఇప్పటికే ఈ సినిమాకి సంబంధించిన పనులన్నీ కూడా జరుగుతున్నట్లు టాలీవుడ్ టాక్.

మొదటిసారిగా గీతా ఆర్ట్స్ బ్యానర్ లో నందమూరి హీరో..

ఇప్పటివరకు అల్లు అరవింద్ గీతాఆర్ట్స్ బ్యానర్ లో కేవలం మెగా హీరోలు మాత్రమే నటించారు.ఇలా మొట్టమొదటిసారిగా అల్లు అరవింద్ బాలకృష్ణతో భారీ బడ్జెట్ చిత్రాన్ని ప్లాన్ చేస్తారని త్వరలోనే ఈ సినిమాకి సంబంధించిన అధికారిక ప్రకటన కూడా వెలువడనుందని తెలుస్తోంది. బాలయ్య బాడీ లాంగ్వేజ్ కి అనుగుణంగా,అతనిని సరికొత్తగా ప్రజెంట్ చేసే డైరెక్టర్ దొరకగానే ఈ ప్రాజెక్టు గురించి అఫీషియల్ అనౌన్స్ మెంట్ చేయనున్నట్లు సమాచారం. ఇదే కనుక నిజమైతే ఇటు గీత ఆర్ట్స్ బ్యానర్ కి అటు బాలకృష్ణకు మరొక సూపర్ హిట్ సినిమా ఖాయమని చెప్పవచ్చు.