Amala paul : మలయాళం సినిమా ఇండస్ట్రీ నుండి వచ్చిన కేరళ కుట్టి అమల పాల్ సినిమా కెరీర్ మలయాళం లో మొదలుపెట్టింది. నీలతామర అనే మలయాళ సినిమా ద్వారా పరిచయమైన అమల, గుర్తింపు తెచ్చుకుంది మాత్రం మైనా సినిమాతోనే. ఆ సినిమాలో తన నటనకు విమర్శకుల ప్రశంసలు అందుకుంది. ఇక ఆ తరువాత తమిళ ఇండస్ట్రీ లో అడుగుపెట్టిన అమల అక్కడ మంచి గుర్తింపు తెచ్చుకుంది.
రెండో పెళ్లి గురించి హింట్లు ఇస్తున్న ముద్దుగుమ్మ…
ఇక తెలుగు ఇండస్టిలోకి బెజవాడ సినిమాతో ఎంట్రీ ఇచ్చిన అమల పాల్, ఆ తరువాత రామ్ చరణ్ సినిమా నాయక్ లో, ఆ తరువాత బన్నీ ఇద్దరమ్మాయిలతో సినిమాలలో నటించింది. నాని తో కలిసి జెండాపై కపిరాజు వంటి సినిమా చేసిన అమల పాల్ 2015 లో కెరీర్ బాగా ఉన్నపుడే మళయాళి డైరెక్టర్ విజయ్ ను పెళ్లి చేసుకుంది. ఇక కారణాలు తెలియక పోయినా మూడేళ్ళకే వీరి పెళ్లి పెటాకులయింది.
ఇక ఆతరువాత మళ్ళీ సినిమాల్లో బిజీ అయిన అమల అటు సినిమాలతో పాటు ఇటు వెబ్ సిరీస్ లు చేస్తూ అలరిస్తోంది. ఇక అభిమానులకు టచ్ లో ఉంటూ తన అప్ డేట్స్ చెబుతూ ఉండే అమల పాల్ తాజాగా ఫ్యాన్స్ తో చిట్ చాట్ చేసింది. అందులో ఒక అభిమాని మీ కాబోయే భర్తకు ఉండాల్సిన క్వాలిటీస్ ఏంటని అడుగగా అమల పాల్ దానికి సమాధానంగా నన్ను నేను పూర్తి గా అర్థం చేసుకునే పనిలో ఉన్నాను, ఆ తరువాత కాబోయే భర్త అర్హతలు ఆలోచిస్తా, త్వరలోనే నాకు కాబోయే భర్తకు ఉండాల్సిన అర్హతలు చెబుతానంటూ చెప్పింది. దీంతో అమల పాల్ మళ్ళీ త్వరలో పెళ్లి చేసుకోబోతోంది అంటూ అభిమానులు అనుమానం వ్యక్తం చేస్తున్నారు.
