Amma Rajashekar : తెలంగాణా ప్రాంతం నుండి సినిమా ఇండస్ట్రీకి పరిచయం అయిన అతి కొద్ధి మంది నటులలో నితిన్ కూడా ఒకరు. తేజ దర్శకత్వంలో వచ్చిన జయం సినిమా ద్వారా తెలుగు సినీ ప్రపంచానికి పరిచయం అయ్యారు. దిల్, సై, ఇష్క్, గుండెజారి గల్లంతయ్యిందే వంటి సినిమాలతో హీరోగా మంచిపేరు సంపాదించుకున్నాడు. అయితే తాజాగా డాన్స్ మాస్టర్, దర్శకుడు అయిన అమ్మ రాజశేఖర్, నితిన్ గురించి సంచలన వ్యాఖ్యలు చేశారు.
హీరో నితిన్ కి అసలు డాన్స్ రాదు.. నేనే నేర్పించా…
కొరియొగ్రాఫర్ గా ముందు తన సినీ ప్రస్తానాన్ని ప్రారంభించిన అమ్మ రాజశేఖర్, తరువాత దర్శకుడిగా సినిమాలు తీయడం ప్రారంవించాడు. కొరియోగ్రాఫర్ గా దేవీ సినిమాతో మొదలు పెట్టి అంజి, సై, కింగ్, లక్ష్మి, సుభాష్ చంద్రబోస్ వంటి సినిమాలకు పనిచేసాడు. 2006 లో ఖతర్నాక్ సినిమాతో దర్శకుడిగా మారాడు. దర్శకుడిగా రణం సినిమాతో విజయాన్ని అందుకున్నాడు. తాజాగా అమ్మ రాజశేఖర్ దర్శకత్వం వహించిన HiFive సినిమా ప్రేక్షకుల ముందుకు రాబోతోంది. ఈ సినిమాకు సంబందించిన ప్రీ రిలీజ్ వేడుక జరిగింది. ఈ వేడుకలో హీరో నితిన్ గురించి సంచలన వ్యాఖ్యలు చేశారు అమ్మ రాజశేఖర్.
ప్రీ రిలీజ్ వేడుకలో నితిన్ పై అమ్మ రాజశేఖర్ తీవ్రంగా విరుచుకు పడ్డారు. అసలు హీరో నితిన్ కి డాన్స్ రాదు. నేనే నేర్పించి ఒక పొజిషన్ ఇచ్చాను. తనకు డాన్స్ నేర్పినందుకు గురువు లాంటి వాడిని నేను, కానీ ఈవేళ నన్నే మరచిపోయాడు. మా సినిమా ప్రే రిలీజ్ ఈవెంట్ కు గెస్ట్ గా వస్తాను అని చెప్పి రాలేదు. అని ఘాటు వ్యాఖ్యలు చేశారు.
