Analist Damu Balaji : నందమూరి తారకరత్న విషయంలో ఎవరూ ఊహించని విషాదం ఆయన కుటుంబాన్ని కమ్మేసింది. నలభై ఏళ్ల వయసులో ఆయన గుండెపోటుతో మరణించి ఆయన కుటుంబాన్ని శోక సంద్రంలో నెట్టారు. తారకరత్న గారు సినిమాల్లో అంతగా రానించకపోయినా మంచి వాగ్దాటి ఉండటంతో టీడీపీ లో ఈసారి ఎమ్మెల్యేకి పోటీ చేయాలని భావించారు. అయితే ఆయన ఒకటి తలిస్తే దైవం మరొకటి తలచినట్లు ఆయన అందరికీ శాశ్వతంగా దూరమయ్యరు. ఆయన వ్యక్తగత జీవితంలోనూ ఇప్పుడిప్పుడే తన ప్రేమ వివాహం వల్ల దూరమైన కుటుంబం మళ్ళీ కలుసుకుంటారు అనుకునే సమయానికి ఆయనే శాశ్వతంగా దూరం అయ్యాడు. ఇలాంటి పరిస్థితుల్లో అలేఖ్య రెడ్డికి అందరూ ధైర్యం చెబుతున్నారు.
తెలుగు దేశంలోకి అలేఖ్య రెడ్డి…
ఇక తారకరత్న మరణించి అపుడే దాదాపు పది రోజులు కావడం, దశదిన కర్మను మార్చి 2 న ఫిల్మ్ ఛాంబర్ లో నిర్వహిస్తుండగా ఆ కార్యక్రమానికి సంబంధిచిన ఆహ్వాన పత్రిక చర్చకు దారితేసింది. అందులో తండ్రి మోహన కృష్ణ పేరు లేకపోవడం ఒకటైతే మరొకటి తారకరత్న తన కాన్వాయ్ మీద చేయి ఊపుతు అభిమానులకు అభివాదం చేసే ఫోటోను ఆ పత్రికలో ప్రింట్ చేసారు. అదీ కాక అందులో తెలుగుదేశం పార్టీ జెండా ఉండటం విశేషం.
అలేఖ్య రెడ్డి కుటుంబానికి తెలియకుండానే ఇలా కార్డు ప్రింట్ చేసి ఉండరు అంటూ అనలిస్ట్ దాము బాలాజీ అభిప్రాయపడ్డారు. తారకరత్న ఈసారి గన్నవరం నుండి ఎమ్మెల్యే గా పోటీ చేయొచ్చనే ఊహాగానాలు నడిచాయి. కాబట్టి ఇప్పుడు తారకరత్న చివరి కోరికను అలేఖ్య రెడ్డి ద్వారా తీర్చాలని భావిస్తున్నట్లు అనిపిస్తుంది అంటూ బాలాజీ అభిప్రాయపడ్డారు.
