Analyst Damu Balaji : తెలంగాణ మహబూబాబాద్ కి చెందిన గిల్లా చక్రధర్ సినిమా ఇండస్ట్రీలో చక్రి గా బాగా ఫేమస్ అయ్యారు. మ్యూజిక్ రికార్డింగ్ లో మంచి పేరు సంపాదించుకున్నా పూరీ జగన్నాథ్ ‘బాచి’ సినిమాతో మ్యూజిక్ డైరెక్టర్ గా పరిచయమయ్యారు. ఆ తరువాత సత్యం, ఇట్లు శ్రావణి సుబ్రహ్మణ్యం, ఔను వాళ్లిద్దరూ ఇష్టపడ్డారు అంటూ వరుస హిట్లతో సక్సెస్ఫుల్ మ్యూజిక్ డైరెక్టర్ గా తెలుగులో స్థిరపడిన చక్రి గారు 2014 డిసెంబర్ 16 న అర్థాంతరంగా నిద్రలోనే కనుమూశారు. ఆయన మరణం తరువాత ఇంట్లో గొడవలు, భార్య చక్రి గారి తల్లి తమ్ముడి మీద కేసులు పెట్టడం వంటివి జరిగాయి. ఇక ఈ విషయాల మీద అనలిస్ట్ దాము బాలాజీ గారు మాట్లాడారు.
ఆయన మరణం వెనుక మిస్టరీ వీడలేదు…
చక్రి గారు ఒక పది సంవత్సరాలలోనే దాదాపు 100 సినిమాలకు మ్యూజిక్ చేసారని అయితే ఆయనకి సక్సెస్ ను హ్యాండిల్ చేయడం రాలేదని దాము బాలాజీ అభిప్రాయపడ్డారు. మొదటి నుండి చిన్న సినిమాలకు ఎక్కువగా పనిచేసిన ఆయన సక్సెస్ అయ్యాక పెద్ధ సినిమాలకు పనిచేసారు. ఆ సమయంలోనే ఒత్తిడి ఎక్కువగా ఉండటం వల్ల పార్టీస్ అంటూ ఎక్కువగా తిరిగేవారని, అందులోనూ నైట్ పార్టీస్ ఎక్కువగా చేసుకునేవాడని సక్సెస్ వచ్చాక తాగడం ఎక్కువగా అలవాటు చేసుకోవడం వల్ల అనారోగ్య సమస్యలు ఎక్కువయ్యాయని తెలిపారు. ఇక ఆయన విషయంలో ఎఫైర్స్ గురించి కూడా ఎక్కువగా మాట్లాడేవారని ఇక ఆయన మొదటి భార్యకు విడాకులు ఇచ్చి రెండో పెళ్లి చేసుకున్నారు. పార్టీలంటూ ఎక్కువగా ఉండే చక్రి డబ్బు అందుకోసం ఎక్కువగా ఖర్చు చేసేవారు అలా కొంత ఆస్తులు పోయాయి.
ఇక ఇంట్లో ఆయన మరణించిన వెంటనే ఎటువంటి వివాదాలు రాకపోయినా నెల రోజులకు ఆయన భార్య తల్లి తమ్ముడు కలిసి ఆస్తి కోస విషం పెట్టి చంపారని కేసు పెట్టింది. ఇక చక్రి గారి తల్లి, తమ్ముడు కూడా రెండో భార్య శ్రావణినే చంపిందని కేసు పెట్టడం జరిగింది అంటూ తెలిపారు. చక్రి మరణించి అప్పటికే నెల కావడం ఆయనను దహనం చేయడం వల్ల దర్యాప్తుకు ఎలాంటి అవకాశం లేకుండా పోయింది అంటూ తెలిపారు. ప్రస్తుతం చక్రి తల్లి, తమ్ముడు తండ్రికి వచ్చే పెన్షన్ డబ్బులతోనే జీవనం సాగిస్తుండగా చక్రి భార్య రెండో పెళ్లి చేసుకుని అమెరికా వెళ్ళిపోయింది. ఆస్తి అంతా ఆమెకే రావడం వల్ల చక్రి తల్లి, అలాగే వికలాగుడైన తమ్ముడు అవస్థలు పడుతున్నారు అంటూ తెలిపారు.
