Analyst Damu Balaji : తెలంగాణ రాష్ట్రములో నేడు కొత్త సర్కార్ కొలువుదీరింది. తెలంగాణ రాష్ట్రం ఏర్పడ్డాక కాంగ్రెస్ నుండి తొలిసారి ప్రభుత్వం ఏర్పడటం అలాగే ముఖ్యమంత్రిగా రేవంత్ రెడ్డి ప్రమాణ స్వీకారం చేయడం జరిగింది. నేడు ఎల్బి స్టేడియంలో అట్టహాసంగా ముఖ్యమంత్రి అలాగే పలు శాఖలకు మంత్రుల ప్రమాణ స్వీకారం జరిగింది. గతంలో కెసిఆర్ మరియు రేవంత్ మధ్య జరిగిన అనేక సంఘటనల నడుమ ఇపుడు రేవంత్ ఎలాంటి రివేంజ్ ప్లాన్ చేస్తాడో అని అందరూ ఆసక్తిగా ఎదురుచూస్తున్నారు. కాగా ఈ విషయాలలో గురించి అనలిస్ట్ దాము బాలాజీ ఆయన అభిప్రాయాలను పంచుకున్నారు.
కెసిఆర్ అంతుచుస్తానన్న రేవంత్…
గతంలో ఓటుకు నోటు కేసు తదితర సంఘటనలలో రేవంత్ రెడ్డి పోలీసులు రాత్రి వేళ ఇంటినుండి బయటకు లాక్కొచ్చి అరెస్టు చేయడం వంటివి అప్పట్లో సంచలనం సృష్టించాయి. ఇక ఓటుకు నోటు కేసులో రేవంత్ జైలుకు సైతం వెళ్లగా విడుదల సమయంలో మీసం మేలేసి మరీ కెసిఆర్ నీ అంతు చూస్తా అంటూ ప్రతిజ్ఞ చేసాడని, ఇపుడు సీఎం అయిన రేవంత్ రెడ్డి ఖచ్చితంగా కెసిఆర్ ను జైలుకు పంపే ప్లాన్ చేస్తాడని బాలాజీ అభిప్రాయపడ్డారు.
అయితే లోకసభ ఎన్నికల వరకు రేవంత్ ఎలాంటి దుందుడుకు నిర్ణయాలు తీసుకోకపోవచ్చని, రేవంత్ రెడ్డి కాంగ్రెస్ పార్టీలో ఉండటం వల్ల తనకు నచ్చినట్లు చేయడానికి ఉండదంటూ బాలాజీ తెలిపారు. కేంద్రంలో అధికారంలో బీజేపీ ఉండటం వల్ల బీజేపీ, కెసిఆర్ తో స్నేహపూర్వకంగానే ఉండటం వల్ల రేవంత్ ఆచితూచి వ్యవహారిస్తాడంటూ బాలాజీ తెలిపారు. కెసిఆర్ ను జైలుకు పంపే తతంగం లోకసభ ఎన్నికల అనంతరం ప్లాన్ చేసుకుంటాడని బాలాజీ తెలిపారు.
