Analyst Damu Balaji : హీరోగానూ, విలన్ గానూ, క్యారెక్టర్ ఆర్టిస్ట్ గానూ కొన్ని వందల సినిమాల్లో నటించి మెప్పించిన నటుడు శరత్ బాబు గారు అనారోగ్య సమస్యల్తో చికిత్స అందుకుంటూ తుది శ్వాస విడిచారు. దాదాపు నేల పైగానే హాస్పిటల్ లో ఉన్న ఆయన చెన్నై నుండి బెంగళూరు ఆ తరువాత హైదరాబాద్ కు షిఫ్ట్ అయ్యారు. 72 ఏళ్ల వయసులో శరత్ బాబుగారు మృతి చెందారు. ఆయన సినిమా ఇండస్ట్రీకి వచ్చాక నటి రమాప్రభ గారిని ప్రేమ వివాహం చేసుకున్నారు. 15 ఏళ్ల తరువాత విడిపోయిన ఆయన మళ్ళీ తమిళ నటిని పెళ్లి చేసుకున్నారు. ఆమెతో కూడా విడాకులు తీసుకున్నారు. చాలా ఏళ్లుగా ఒంటరిగా జీవిస్తున్న శరత్ బాబు గారికి అన్నదమ్ములు, అక్కాచెల్లెళ్లు దాదాపు 13 మంది ఉన్నారు. ఇక వారి కుటుంబ గురించి ఆస్తి గొడవల గురించి అనలిస్ట్ దాము బాలాజీ వివరించారు.
డైరీలో ఏముందంటే…
శరత్ బాబు గారికి సంతానం లేకపోవడం వల్ల ఆయన అన్నదమ్ముల పిల్లలను చేరదీసారట. వారి చదువులు అన్ని విషయాలు ఆయనే చూసుకుని ఆస్తి కూడా 13 బాగాలను చేసి అందరికీ పంచారట. తనకంటూ కొంత ఆస్తి పెట్టుకుని మిగిలినది అందరికీ ఇచ్చేసినా ఇప్పుడు మిగిలిన ఆస్తి కోసం గొడవలు జరుగుతున్నాయనే పుకార్లు వినపడుతున్నాయని అనలిస్ట్ దాము బాలాజీ మాట్లాడారు. తాజాగా ఆయన డైరీ ఒకటి దొరిందని, అందులో ఆస్తికి సంబంధించిన విషయాలను రాసుకొచ్చారంటూ వార్తలు వినిపిస్తున్నాయని తెలిపారు.
నిజానికి శరత్ బాబు గారికి డైరీ రాసే అలవాటు ఉంది కానీ ఆయన రాస్తున్న డైరీ ఇప్పటికీ ఎవరికీ అందలేదు. అదీకాక ఆయన ఎలాంటి వీలునామా కూడా రాసినట్లుగా కనిపించడం లేదంటూ బాలాజీ తెలిపారు. ఆస్తులన్నీ ఆల్రెడీ ఇచ్చేసినా తనకంటూ హైదరాబాద్ లో ఒక ఇల్లు, మదనపల్లి లో ఒక అతిధి గృహం, చెన్నై లో ఇల్లు కొన్ని షాప్స్ పెట్టుకోగా వచ్చే రెంట్స్ కూడా తన సోదరుల పిల్లలకోసం ఖర్చు చేశారట. అయితే ఇప్పుడు ఈ మిగిలిన ఆస్తుల కోసం అన్నదమ్ముల మధ్య గొడవలు జరుగుతున్నాయని తెలిపారు బాలాజీ.
