Analyst Damu Balaji : నాని నటించిన తాజా చిత్రం ‘దసరా’. శ్రీకాంత్ ఓలేటి దర్శకత్వంలో వచ్చిన ఈ సినిమా గోదావరిఖని వద్ద సింగరేణి మైన్స్ లో సాగే కథా నేపథ్యంలో సినిమా తీశారు. ఇక ఈ సినిమాలో నాని సరసన కీర్తి సురేష్ హీరోయిన్ గా నటించగా ఆల్రడీ సినిమాలోని సాంగ్స్ హిట్ అయ్యాయి. 30 తేదీ సినిమా విడుదలకు సిద్ధమవుతుండగా చిత్ర యూనిట్ సినిమాను అన్ని భాషల్లోనూ విడుదల చేస్తున్నారు. అందుకే నాని నార్త్ సౌత్ అంటూ ప్రమోషన్స్ కోసం తిరుగుతూ బిజీగా ఉన్నారు. ఇక ఈ సినిమా సెన్సార్ కార్యక్రమం పూర్తి చేసుకోగా అందులో ఏకంగా 36 కట్స్ సెన్సార్ బోర్డు చెప్పడంతో సినిమా యూనిట్ షాక్ అయింది. ఇక ఈ ఇష్యూ మీద అనలిస్ట్ దాము బాలాజీ మాట్లాడారు.
తొక్కేయాలని ప్లాన్ చేస్తున్నారా…
నాని ఇప్పటి వరకు తీసిన సినిమాలు ఒకెత్తయితే ఈ సినిమా ఒకెత్తు. ఏకంగా అన్ని సౌత్ భాషలలోనూ నార్త్ లోనూ విడుదల చేస్తూ పాన్ ఇండియా సినిమాగా రాబోతున్న ఈ సినిమా మీద నాని ఫ్యూచర్ ఆధారపడి ఉంది. అయితే సినిమా విషయంలో సెన్సార్ బోర్డు మాత్రం కఠినంగా వ్యవహరించింది. సినిమాలో ఎకంగా 36 కట్స్ చెప్పింది. పల్లె జీవితాన్ని చూపించే సినిమాలో యాసలో మమేకమై ఉండే కొన్ని బూతు మాటలను కూడా బీప్ సౌండ్ వేయమని కొన్నింటిని కట్ చేయమణి ఆదేశాలివ్వడం గమనార్హం.
ఇక కోడి తల కోసే సీన్ కూడా కట్ చేయాలని చెప్పడం విడ్డూరం అంటూ బాలాజీ అభిప్రాయపడ్డారు. ఎన్నో సినిమాల్లో మనిషి తల నరకడం, ఆ తలను తన్నడం లాంటివే చూపించారు కానీ ఇక్కడ కోడి తల నరకడం అభ్యంతరకరం అయింది అంటూ తెలిపారు. నిజానికి పెద్ద సినిమాల విషయంలో సెన్సార్ ఇలా వ్యవహరించదు కానీ చిన్న సినిమాల విషయంలో మాత్రం బాగా కఠినంగా ఉంటుంది. నాని సినిమాకు ఇలా జరగడం ఒకింత ఆశ్చర్యం కలిగిస్తుంది. కొంతమంది కావాలనే నాని సినిమాను టార్గెట్ చేసారు. స్వతహాగా నాని పైకి వచ్చాడు, ఇప్పుడు ఈ సినిమా హిట్ అయితే నాని రేంజ్ మారిపోతుంది అందుకే ఇలా చేస్తుండవచ్చు అంటూ అభిప్రాయపడ్డారు.
