Analyst Damu Balaji : సాయి ధరమ్ తేజ్, పవన్ కళ్యాణ్ ఇద్దరూ మొదటి సారి స్క్రీన్ షేర్ చేసుకున్న సినిమా ‘బ్రో’. తాజాగా ఆ సినిమా విడుదల కాగా సినిమాకు పెద్దగా కలెక్షన్స్ లేవనే టాక్ వినిపిస్తోంది. పవన్ కళ్యాణ్ రేంజ్ సినిమా కాదని పవన్ అభిమానులే వాపోతుండటం, అసలు సినిమా ఫ్లాప్ అవడానికి మెయిన్ కారణం అదే అంటూ పలువురు విశ్లేషస్తుండగా సినిమా కలెక్షన్స్ గురించి అనలిస్ట్ దాము బాలాజీ మాట్లాడరు.
సినిమా బడ్జెట్ తిరిగిరాలేదు…
బ్రో సినిమా విడుదలయిన రోజు నుండి ఇప్పటివరకు 75.5 కోట్లు వసూళ్లు వచ్చాయని, ఇది మంచి వసూళ్లు అయినా సినిమా బడ్జెట్ 150 కోట్లు కాగా 75 కోట్లు రావడంతో నిర్మాత నష్టాలను భరించాలని బాలాజీ తెలిపారు. వీకెండ్ లో సినిమాకు కలెక్షన్స్ బాగానే వచ్చినా సోమవారం నాడు రెండు రాష్ట్రాలలోనూ కలిసి ఏడు కోట్లు కూడా వసూళ్లు రాబట్టలేకపోయిందని చెప్పారు.
పవన్ కళ్యాణ్ సినిమాకు ఓపెనింగ్స్ ప్రతి సినిమాకు బాగుంటాయి. అయితే ఈ సినిమాకు ఈమధ్య కాలంలో వచ్చిన అన్ని సినిమాల కన్నా తక్కువ వసూళ్లు వచ్చాయని అలా చూస్తే సినిమా ఫ్లాప్ గానే భావించాలని బాలాజీ అభిప్రాయపడ్డారు. ఇక ఫ్లాప్ కి మెయిన్ కారణం త్రివిక్రమ్ అంటూ పవన్ అభిమానులే అనుకుంటున్నారని, గురూజీ ఇన్వాల్వ్మెంట్ ఎక్కువై సినిమా చెడిపోయిందని, పవన్ కి సూట్ అయ్యేలా సినిమా చేయలేదని త్రివిక్రమ్ మీద పవన్ అభిమానులు గుర్రుగా ఉన్నట్లు బాలాజీ తెలిపారు.
