Suma -Rajeev: సుమా కనకాల పరిచయం అవసరం లేని పేరు. ఈమె బుల్లితెర యాంకర్ గా ఇండస్ట్రీలో ఎంతో పేరు ప్రఖ్యాతలను సంపాదించుకున్నారు. ఇక సుమ నటుడు రాజీవ్ కనకాలను ప్రేమించి పెళ్లి చేసుకున్న సంగతి మనకు తెలిసిందే. ఇక ఇటీవల ఈ దంపతులు తమ 25వ పెళ్లిరోజు వేడుకలను జరుపుకున్నారు. ఈ క్రమంలోనే సుమ రాజీవ్ ఇద్దరు కూడా సోషల్ మీడియా వేదికగా అభిమానులతో ముచ్చటిస్తూ వారు అడిగే ప్రశ్నలకు సమాధానాలు చెప్పారు.
ఈ క్రమంలోనే కొంతమంది నెటిజన్స్ మీరు ఎప్పుడైనా సుమా ఫోన్ తీసుకొని చెక్ చేశారా అంటూ ప్రశ్నించగా రాజీవ్ మాత్రం తాను ఎప్పుడూ అలాంటి పని చేయలేదని చెప్పారు. కానీ సుమ మాత్రం నేను ఒకసారి చేశానని చెప్పగా ఒక్కసారిగా రాజీవ్ షాక్ అయ్యారు అయితే అందులో ఏమి దొరకలేదు అంటూ సుమా చెప్పగా అన్ని దొరికే లాగా పెడతామా ఏంటి అంటూ రాజీవ్ సెటైర్ వేశారు.
ఇకపోతే రాజీవ్ కనకాల కారణంగా ఎప్పుడైనా మీరు బాధపడిన సందర్భాలు ఉన్నాయా అని ప్రశ్నించడంతో సుమ ఉన్నాయి అంటూ ఈమె బాధపడ్డారు. నేను ఎప్పుడైనా ఫోన్ చేసి ఎక్కడున్నారు అంటే ఐదు నిమిషాలలో వస్తున్నాను అని చెబుతాడు. కానీ ఎప్పుడూ కూడా ఈయన రాలేదు అంటూ సుమ ఈ సందర్భంగా బాధపడగా రాజీవ్ మాత్రం తనని బాధ పెట్టినందుకు గాను ఇప్పుడు తనకు క్షమాపణలు చెప్పారు.
హర్రర్ సినిమాలకు తీసుకెళ్లాడు..
ఇక సుమ తన భర్త గురించి మాట్లాడుతూ .. తాను ఎక్కువగా హర్రర్ సినిమాలు దయ్యాల సినిమాలను మాత్రం చూస్తూ ఉంటారు. అవంటే తనకు చాలా ఇష్టం అంతేకాకుండా నేను ప్రెగ్నెంట్ గా ఉన్న సమయంలో నన్ను కూడా అలాంటి హర్రర్ సినిమాలకు తీసుకువెళ్లారు అంటూ ఈ సందర్భంగా సుమ చేసినటువంటి ఈ కామెంట్స్ వైరల్ అవుతున్నాయి.