Ashmitha karnani : ఈ మధ్య హోమ్ టూర్ లు వ్లాగ్స్ అంటూ యూట్యూబ్ లో చిన్న పెద్ద అని తేడా లేకుండా అందరు సినీ సెలబ్రిటీస్, సీరియల్ సెలబ్రిటీస్ తమ రోజువారి దినచర్యలను, వాళ్ళ ఇళ్లను వీడియోలు చేస్తూ యూట్యూబ్ లో పెట్టేస్తుంటారు. ఇలాంటి వీడియోలను ప్రేక్షకులు కూడా బాగా ఆదరిస్తున్నారు. వారికీ నచ్చిన టీవీ లేదా సినిమా సెలబ్రిటీలు ఎలా ఉన్నారో వారి వ్యక్తిగతంగా జీవితాలు ఎలా ఉంటాయో తెలుసుకోవడానికి వారి అభిమానులు బాగా ఇష్టపడతారు. ఇక ఇలాంటి వీడియోలకు లక్షలలో వ్యూస్ వస్తుంటాయి.
ఇక ఇపుడు సీరియల్స్ సినిమాల్లో నటించిన అస్మిత అందరికి బాగా సుపరిచితమే. తనదైన నటనతో చాలా సీరియల్స్ లో తెలుగు ప్రేక్షకులను ఆకట్టుకున్న అస్మిత, పెళ్లి చేసుకున్నాక తక్కువగా తెరపై కనిపించింది. 2020 లో ఇక బుల్లి తెరపై కానీ వెండి తెర పై కానీ కనిపించలేదు. మా టీవీ లో వచ్చిన ఇస్మార్ట్ జోడిలో చివరిసారిగా కనిపించింది. ఈటీవీలో వచ్చిన సీరియల్స్ తో ఫేమస్ అయిన అస్మిత ఆ తరువాత మా టీవీ లో వచ్చిన అగ్నిసాక్షి సీరియల్ లో విలన్ గా బాగా ఆకట్టుకుంది. ఇక యూట్యూబ్ లో ఛానెల్ మొదలు పెట్టి బ్యూటీ, డైట్ అలా అన్నిటికి సంబంధించిన వీడియోలతో బాగా ఫాలోయర్స్ ను పెంచుకున్న అస్మిత ఇటీవల తన హోమ్ టూర్ వీడియో చేసింది.
లగ్జరీ హోమ్ తో ఆశ్చర్య పరిచిన అస్మిత…..
అస్మిత ఇంటీరియర్ చాలా లగ్జరీ గా అందంగా ఉంది. మొత్తం ఇంటిని బ్లాక్ అండ్ వైట్ లో ప్లాన్ చేసుకున్నట్లు తెలిపింది. ఇక ఫర్నిచర్ కొనకుండా వారికి నచ్చిన డిజైన్ చేయించుకున్నట్లు వివరించింది. ఇక ఉన్న కొంచెం ప్లేసులో లోనే ఇంటిని అందంగా ఇంటీరియర్ చేయించుకున్నట్లు వెల్లడించింది. కొరియోగ్రాఫర్ సుధీర్ ని పెళ్లిచేసుకున్నాక అస్మిత తెర పై తక్కువగా కనిపిస్తున్నా యూట్యూబ్ ద్వారా మాత్రం అభిమానులను అలరిస్తోంది. ఇక ఇపుడు అస్మిత వీడియో నెట్టింట్లో బాగా వైరల్ అయింది.
