Badrinath Lady Villain : అల్లు అర్జున్, తమన్నా ప్రధాన పాత్రలలో వచ్చిన ‘బద్రీనాథ్’ సినిమాలో అశ్విని కల్సేకర్ విలన్ పాత్రలో అదరగొట్టిన సంగతి తెలిదిందే. అశ్విని కల్సేకర్ తెలుగులో కన్నా హిందీ సినిమాలలో ఎక్కువగా నటించారు. మరాఠి టెలివిజన్, హిందీ సీరియల్స్ లో ఎక్కువగా నటించారు. బద్రీనాథ్ సినిమా ఈమెకు తెలుగులో మొదటి సినిమా కాగా, తరువాత నిప్పు, మెహబూబ వంటి సినిమాలలో కూడా నటించింది. హిందీ సినిమాలలో ఎక్కువగా నటించిన అశ్విని, రోహిత్ శెట్టి, అర్జీవీ ల సినిమాలలో ఎక్కువగా కనిపించారు. ప్రస్తుతం జీ 5, హాట్ స్టార్ వెబ్ సిరీస్ లలో ఎక్కువగా నటిస్తున్నారు. అయితే అశ్విని కల్సేకర్ భర్త ఎవరో చాలా మందికి తెలియదు.
గోల్మాల్ సినిమా సమయంలో చిగురించిన ప్రేమ…
అశ్విని కల్సేకర్ భర్త ఎవరో కాదు ప్రముఖ సినీ నటుడు మురళి శర్మ. ఈయన తెలుగు తో పాటు ఇతర భాషా చిత్రాలలో కూడా ఎక్కువగా నటించారు. బాలీవుడ్ లో మొదట కెరీర్ ను ప్రారంభించిన మురళి శర్మ తెలుగులో సురేందర్ రెడ్డి దర్శకత్వంలో వచ్చిన ‘అతిథి’ సినిమాలో నటించారు. తరువాత టాలీవుడ్ లో వరుస అవకాశాలు ఆయనకు క్యూ కట్టాయి. విలన్ గా, కమెడియన్ గా, క్యారెక్టర్ ఆర్టిస్ట్ గా సపోర్టింగ్ రోల్స్ ఇలా ఏ పాత్రలో అయినా ఇట్టే ఒదిగిపోయే ఆయనకు ‘అలా వైకుంఠపురములో’ సినిమా నటుడుగా మంచి గుర్తింపు ఇచ్చింది అనే చెప్పుకోవాలి.
బాలీవుడ్ లో రోహిత్ శెట్టి దర్శకత్వంలో వచ్చిన గోల్మాల్ సినిమాలో కలసి నటించిన వీరిద్దరి మధ్య ప్రేమ చిగురించడంతో తరువాత ఇద్దరూ పెళ్లి చేసుకున్నారు. అశ్విని కల్సేకర్ మొదట 1998 లో నితీష్ పాండే ని వివాహం చేసుకున్నారు. అయితే 2002 లో విడాకులు తీసుకున్న అశ్విని తరువాత మురళి శర్మని ప్రేమించి వివాహం చేసుకున్నారు. వీరిద్దరూ భార్య భర్తలు అని చాలా మందికి తెలియక పోవచ్చు.
