Balagam: అందరూ బలగం సినిమా చూశారు నువ్వు మాత్రం చూడలేదు.. ఎమోషనల్ అయినా వేణు!

Balagam: బలగం సినిమా ద్వారా దర్శకుడుగా ఎంతో మంచి గుర్తింపు సంపాదించుకున్నారు జబర్దస్త్ కమెడియన్ వేణు. జబర్దస్త్ కార్యక్రమంలో కమెడియన్ గా కొనసాగుతూ ఎంతో మంచి పేరు ప్రఖ్యాతలు సంపాదించుకున్నటువంటి వేణు అనంతరం సినిమాలపై ఉన్నటువంటి ఇష్టంతో జబర్దస్త్ కార్యక్రమాన్ని వదిలి సినిమాల ప్రయత్నాలు చేశారు.

ఇలా వేణుకు దిల్ రాజు అవకాశం ఇవ్వడంతో తన కుమార్తె నిర్మాణంలో వేణు బలగం సినిమాని ప్రేక్షకుల ముందుకు తీసుకువచ్చారు. ఒక చిన్న సినిమాగా ప్రేక్షకులు ముందుకు వచ్చినటువంటి ఈ సినిమా ఎంతో అద్భుతమైనటువంటి విజయాన్ని సొంతం చేసుకుంది. తెలంగాణ సంస్కృతి సాంప్రదాయాలను ప్రతిబింబించేలా చూపిస్తూ ఈ సినిమా ప్రేక్షకుల ముందుకు వచ్చింది.

తెలంగాణలో మారుమూల గ్రామంలో కూడా ప్రత్యేకంగా స్క్రీన్స్ ఏర్పాటు చేసి ఈ సినిమాని చూశారు అంతేకాకుండా చిన్నచిన్న మనస్పర్ధలు కారణంగా విడిపోయినటువంటి తోబుట్టువులు కూడా ఈ సినిమా చూసి కలిసారు అంటే ఈ సినిమా ఎలా ఉందో అర్థం చేసుకోవచ్చు.

తండ్రిని గుర్తు చేసుకున్న వేణు..

ఈ సినిమాకు ఎన్నో నేషనల్ ఇంటర్నేషనల్ అవార్డ్స్ కూడా వచ్చాయి. ఇలా థియేటర్లలో ఒక చిన్న సినిమాగా విడుదలై అతిపెద్ద విజయాన్ని అందుకుంది. అయితే తాజాగా వేణు మరోసారి ఈ సినిమా గురించి మాట్లాడుతూ చేసినటువంటి కామెంట్స్ ప్రస్తుతం వైరల్ అవుతున్నాయి. బలగం సినిమాని అందరూ చూశారు కానీ నువ్వు మాత్రం చూడలేదు నాన్న అంటూ తన తండ్రి ఫోటోని సోషల్ మీడియాలో షేర్ చేస్తూ ఎమోషనల్ అయ్యారు. వేణు తండ్రి గత పాతిక సంవత్సరాల క్రితమే మరణించారు. అయితే తన తండ్రి వర్ధంతిని పురస్కరించుకొని ఈయన తన తండ్రి ఫోటోని సోషల్ మీడియాలో షేర్ చేస్తూ ఎమోషనల్ అయ్యారు.