Balagam Fame Rupa Lakhmi : కమెడియన్ వేణు గారు డైరెక్టర్ గా మారి ఒక మంచి ఫీల్ గుడ్ మూవీని తీశారు. కమెడియన్ కాబట్టి కామెడీ సినిమా తీస్తారని అందరూ అనుకున్నా అందుకు భిన్నంగా ఒక ఎమోషనల్ డ్రామాను చావుతో ముడిపడిన బంధాలను చూపించి ఆకట్టుకున్నాడు. చిన్న సినిమాగా వచ్చిన బలగం సినిమా నేడు థియేటర్స్ లో డీసెంట్ కలెక్షన్స్ అందుకుంటోంది. అందులో నటించిన ఆర్టిస్టులందరికీ మంచి పేరు తెచ్చిపెట్టింది. అందులో నటించిన క్యారెక్టర్ ఆర్టిస్ట్ రూప లక్ష్మి గారు ఆ సినిమా గురించిన పలు ఆసక్తికర విషయాలతో పాటు తన కెరీర్ గురించి కూడా పంచుకున్నారు.
బలగం తరువాత ఆఫర్స్…
రూప లక్ష్మి గారు బలగం సినిమాలో కీలక పాత్రలో నటించారు. మొగిలయ్య కూతురుగా నారాయణ భార్య లక్ష్మీగా నటించిన రూప లక్ష్మి గారు సహజమైన తన నటనతో అలరించారు. ఆమె ప్రస్తుతం సక్సెస్ ను ఎంజాయ్ చేస్తూనే సినిమా హిట్ అవడం వల్ల మంచి గుర్తింపు అలానే మరిన్ని సినిమా ఆఫర్స్ ను అందుకుంటున్నారు.
అయితే తాజాగా ఒక ఇంటర్వ్యూలో తనకు ప్రస్తుతం వస్తోన్న ఆఫర్స్ గురించి మాట్లాడుతూ తాను హీరోలకు అమ్మగా ఇంకా 70 ఏళ్ల ముసలమ్మగా నటించమన్నా చేస్తాను కానీ ప్రాముఖ్యతలేని పాత్రలను చేయదలచుకోలేదు. డబ్బు సంపాదన కన్నా మంచి పాత్రలను చేయాలని ఉంది అంటూ మాట్లాడరు రూప లక్ష్మి.
