Balakrishna : ఎన్టీఆర్ నట వారసుడిగా ఇండస్ట్రీ కి వచ్చిన బాలకృష్ణ అనగానే కోపం ఎక్కువ, కొడతాడు అంటూ అంటారు కొంతమంది. కానీ దగ్గరి నుండి చూసిన ఎవరైనా బాలయ్య ది చినపిల్లల మనస్తత్వం అంటూ పొగిడేస్తారు. అయితే బాలయ్య అభిమానులు మాత్రం ఇంకో మాట చెబుతారు. కోపమొస్తే కొట్టినా పిలిచి అన్నం పెట్టినా అది మా బాలయ్యే అని. అందుకేనేమో బాలయ్య బాబు కి అభిమానూలు ఎక్కువ.
అభిమాని ఇంటికి భోజనానికి వెళ్లిన బాలకృష్ణ…
బాలకృష్ణ అభిమానులకు ఎక్కువ ప్రాధాన్యతనిస్తారు. ప్రస్తుతం గోపీచంద్ మలినేని దర్శకత్వంలో బాలకృష్ణ 107 సినిమా చేస్తున్నారు, ఆ సినిమా షూటింగ్ శరవేగంగా జరుగుతోంది. ఆ షూటింగ్ విరామంలో బాలయ్య ను ఒక అభిమాని భోజనానికి ఇంటికి ఆహ్వానించడంతో ఆయన వెళ్లారు.
అభిమాని, అతని కుటుంబ సభ్యులతో కలిసి భోజనం చేసి వారితో ముచ్చటించారు. ప్రస్తుతం దీనికి సంబంధించిన వీడియో నెట్టింట్లో చక్కర్లు కొడుతోంది. ఈ ఒక్క సంఘటనతో అర్థమైపోతుందిగా బాలయ్య తన అభిమానులను ఎంత ప్రేమిస్తాడో. కొట్టినా పెట్టినా మా బాలయ్యే అని అభిమానులు ఊరికే అంటారా…
