Balakrishna: టైటిల్ విషయంలో బాలయ్య సెంటిమెంట్ ను రిపీట్ చేయబోతున్న అనిల్ రావిపూడి.. సక్సెస్ కొట్టినట్లేనా?

Balakrishna: నందమూరి నటసింహం బాలకృష్ణ గురించి ప్రత్యేకంగా చెప్పాల్సిన పనిలేదు. అయితే బాలకృష్ణ సినిమాల విషయంలో ఎన్నో సెంటిమెంట్లను నమ్ముతారనే విషయం మనకు తెలిసిందే. ముఖ్యంగా బాలకృష్ణ సినిమా టైటిల్స్ విషయంలో చాలా సెంటిమెంట్ ఉందని తెలుస్తుంది. ఈ మధ్యకాలంలో బాలకృష్ణ నటించిన ప్రతి ఒక్క సినిమాలో కూడా సింహ అన్న పేరు తప్పకుండా ఉండేలా జాగ్రత్త పడుతున్నారు.

ఈ క్రమంలోనే బాలకృష్ణ నటించిన సినిమా టైటిల్స్ లో సింహ అనే పేరు కనుక ఉంటే ఆ సినిమా తప్పకుండా హిట్ అవుతుందన్న సెంటిమెంట్ అందరిలోనూ ఉంది. ఈ క్రమంలోనే దర్శక నిర్మాతలు సైతం బాలయ్య సినిమా టైటిల్స్ విషయంలో చాలా జాగ్రత్తలు తీసుకుంటారు. బాలకృష్ణ నటించిన వీర సింహారెడ్డి సినిమా కూడా ఎంతో మంచి సక్సెస్ అందుకున్న విషయం మనకు తెలిసిందే.

ఈ సినిమా తర్వాత బాలకృష్ణ ప్రస్తుతం అనిల్ రావిపూడి దర్శకత్వంలో మరో సినిమాలో నటిస్తున్నారు. ఈ సినిమా ప్రస్తుతం NBK 108 అనే వర్కింగ్ టైటిల్ తో షూటింగ్ పనులు జరుపుకుంటుంది అయితే ఈ సినిమాకు ఒక టైటిల్ ఖరారు చేశారంటూ ప్రస్తుతం ఈ వార్త వైరల్ అవుతుంది ఈ సినిమా కోసం అనిల్ రావిపూడి భగవంత్‌లాల్ కేసరి అనే టైటిల్ ఫిక్స్ చేయబోతున్నట్టుగా ప్రచారం అయితే మొదలైంది. ఐ డోంట్ కేర్ అనేది ట్యాగ్ లైన్ గా ఉండబోతుందని అంటున్నారు.

Balakrishna: సింహా సెంటిమెంట్ రిపీట్ కానుందా…

ఈ విషయాన్ని బాలకృష్ణ పుట్టిన రోజు సందర్భంగా ప్రకటించబోతున్నట్టు సమాచారం. అయితే ఈ సినిమా టైటిల్ విషయంలో అనిల్ రావిపూడి బాలయ్య సెంటిమెంటును గౌరవిస్తూ ఈ సినిమా టైటిల్ లో కేసరి అనే పదాన్ని పెట్టారని తెలుస్తుంది. సింహాన్ని హిందీలో కేసరి అంటారు కనుక సింహ అనే సెంటిమెంట్ వచ్చే విధంగా ఈ సినిమాలో కేసరి అనే పదం ఉపయోగించినట్టు తెలుస్తుంది. ఇలా ఈ సినిమా టైటిల్ లో కూడా సింహ అనే అర్థం రావడంతో ఈ సినిమా కూడా మంచి సక్సెస్ కాబోతుందని అభిమానులు సినిమాపై అంచనాలు పెట్టుకున్నారు.