Balakrishna: మోక్షజ్ఞ సినీ ఎంట్రీ పై క్లారిటీ ఇచ్చిన బాలయ్య.. సంతోషంలో నందమూరి అభిమానులు!

Balakrishna: నందమూరి వారసుడిగా మోక్షజ్ఞ సినీ ఎంట్రీ కోసం అభిమానులు ఎంతో ఆశగా ఎదురుచూస్తున్నారు.ఇప్పటికే ఈయన ఫలానా దర్శకుడు డైరెక్షన్లో ఇండస్ట్రీకి లాంచ్ కాబోతున్నారంటూ ఎన్నో వార్తలు వచ్చినప్పటికీ ఈ వార్తలపై ఎలాంటి స్పష్టత రాకపోవడంతో అభిమానులు ఈ విషయాన్ని పూర్తిగా పక్కన పెట్టేశారు.

ఇకపోతే తాజాగా మరోసారి మోక్షజ్ఞ సినీ ఎంట్రీ గురించి వార్తలు రావడంతో అభిమానులు ఈ విషయంపై ఎంతో ఆసక్తి కనబరుస్తున్నారు. తాజాగా గోవాలో జరిగిన 53వ ఇంటర్నేషనల్ ఫిలిం ఫెస్టివల్ ఆఫ్ ఇండియా కార్యక్రమంలో భాగంగా అక్కడ చిత్ర బృందం సందడి చేసిన విషయం మనకు తెలిసిందే. ఈ కార్యక్రమంలో భాగంగా బాలకృష్ణ తన కుమారుడు మోక్షజ్ఞ సినీ ఎంట్రీ గురించి ఆసక్తికరమైన వ్యాఖ్యలు చేశారు.

ఈ సందర్భంగా బాలయ్య మాట్లాడుతూ మోక్షజ్ఞ సినీ ఎంట్రీ వచ్చే ఏడాది తప్పకుండా ఉంటుందని క్లారిటీ ఇవ్వడంతో నందమూరి అభిమానుల ఆనందానికి ఆ వదులు లేకుండా పోయాయి.ఇకపోతే ఈ కార్యక్రమంలో భాగంగా బోయపాటి శ్రీను కూడా పాల్గొన్నారు. అయితే బోయపాటి దర్శకత్వంలో సినీ ఎంట్రీ ఉండబోతుందా అంటూ ప్రశ్నించగా ఆ ప్రశ్నకు బోయపాటి అంతా దైవ నిర్ణయం అంటూ సమాధానం చెప్పడంతో బాలయ్య తనలో తాను నవ్వుకున్నారు.

అఖండ సీక్వెల్ పై క్లారిటీ ఇచ్చిన బాలయ్య…

మరి వచ్చే ఎడాది మోక్షజ్ఞ బోయపాటి దర్శకత్వంలో ఇండస్ట్రీకి పరిచయం కానున్నారా లేక మరో దర్శకుడు ద్వారా ఇండస్ట్రీకి పరిచయం కాబోతున్నారా అనే విషయం తెలియాల్సి ఉంది. ఇకపోతే ఈ కార్యక్రమంలో భాగంగా అఖండ సీక్వెల్ కూడా ఉండబోతుందంటూ చిత్ర బృందం చేసినటువంటి ఈ కామెంట్ సోషల్ మీడియాలో వైరల్ అవుతున్నాయి. ఇలా అఖండ వంటి బ్లాక్ బస్టర్ సినిమాకి సీక్వెల్ ఉంటుందని తెలియడంతో అభిమానులు సైతం ఎంతో సంతోషం వ్యక్తం చేస్తున్నారు.