Bandla Ganesh : ర్యాంప్ లు వ్యాంప్ లు వస్తుంటారు పోతుంటారు… ఎంతోమందిని స్టార్స్ ని చేసిన నీకు కొడుకు కోసం వచ్చే టైం లేదా..!

0
346

Bandla Ganesh : జార్జ్ రెడ్డి సినిమా దర్శకుడు జీవన్ రెడ్డి దర్శకత్వంలో వస్తున్న చిత్రం చోర్ బజార్. పూరి జగన్నాథ్ కొడుకు ఆకాష్ పూరి హీరోగా వస్తున్న ఈసినిమాలో హీరోయిన్ గహన సిప్పి నటిస్తోంది. ఈ నెల 24న విడుదలకు సిద్ధమైన ఈ సినిమా ప్రీ రిలీజ్ వేడుక ఘనంగా జరిగింది. ఈ వేడుకలో అందరికంటే హైలైట్ బండ్ల గణేష్ స్పీచ్. సాధారణంగా పవన్ కళ్యాణ్ గురించి బండ్ల గణేష్ స్పీచ్ అంటే అందరికి బాగా ఇంట్రస్ట్. ఇక పవన్ ఫ్యాన్స్ కి అయితే ఫుల్ జోష్ వస్తుంది. అలాంటి బండ్ల గణేష్ చోర్ బజార్ ప్రీ రిలీజ్ లో చేసిన కామెంట్స్ కూడా ఇపుడు బాగా వైరల్ అవుతున్నాయి.

వ్యాంపులు వస్తుంటారు పోతుంటారు… మనం బతికేది భార్య పిల్లలు కోసమే…

ఇక బండ్ల స్పీచ్ మొదలు పెట్టడమే పూరి జగన్నాథ్ భార్య లావణ్య తో మొదలుపెట్టాడు. లావణ్య గారిని వదిన అని పిలుస్తూ, సీతా దేవిని నిజంగా చూడలేదు కానీ లావణ్య వదినలో అంత సహనం ఉంది. ఒక భూమాతకున్న ఓపిక వదినకు సొంతం అంటూ మాట్లాడాడు. ఈ ఈవెంట్ కి వదిన కోసమే వచ్చాను. వదిన బ్రతుకుతున్నది పిల్లల కోసమే. ర్యాంపులు, వ్యాంపులు సినిమా జీవితంలో వస్తుంటారు పోతుంటారు, భార్య, పిల్లలే శాశ్వతం కొడుకు ఫంక్షన్ కి రాలేనంత బిజీగా ఉన్నావా పూరి అన్నా అంటూ మాట్లాడారు బండ్ల గణేష్.

ఎంతో మందిని మెగాస్టార్లు, సూపర్ స్టార్లను చేసావ్, నీ కొడుకు కోసం మాత్రం రాకుండా ముంబై లో ఉన్నావా. ఏదో ఒక రోజు ఆకాష్ పూరి పెద్ద హీరో అవుతాడు అప్పుడు ఆకాష్ డేట్ల కోసం నువ్వు ఎదురుచూడాలి అలాంటి రోజు వస్తుంది. అలాంటి రోజు వచ్చినపుడు నీకు డేట్లు ఇవ్వద్దని ఆకాష్ కి నేనే చెబుతాను అంటూ ఉద్వేగంగా మాట్లాడారు. ఇక కన్న బిడ్డలే శాశ్వతం మనం బ్రతికేది వాళ్ళ కోసమే, రేపు మనం చనిపోతే తల కొరివి పెట్టేది వాళ్లే, నా కొడుకు ఫంక్షన్స్ అయ్యుంటే లండన్ లో ఉన్నా ఎలాగోలా వచ్చేవాడిని కానీ నువ్వు నీ కొడుకు ఫంక్షన్స్ కి రావడానికి వీలుకాలేదా అంటూ పూరి పై మాటల అస్త్రాలను వదిలారు.

నీకు ఏమి లేనప్పుడే లావణ్య వదిన నిన్ను నమ్మి నీతో వచ్చింది పెళ్లి చేసుకుంది. నీకు స్టార్ డమ్ వచ్చాక నీ దగ్గరికి రాలేదు అంటూ పూరి పై ఘాటు వాఖ్యలు చేసాడు. స్టార్ హీరోలు వచ్చి నీ సినిమాకు ప్రచారం చేస్తారనుకున్న ఆకాష్ కానీ సినిమా వాళ్ళు కదా ఎవరురారు, ఎక్కడ నువ్వు పెద్ద హీరో అయితే వాళ్లకు పోటీ వస్తావో అని భయం అంటూ ఆకాష్ ను ఉద్దెశించి నువ్వు పెద్ద స్టార్ హీరో ఖచ్చితంగా అవుతావు అన్నారు. ఇక డైరెక్టర్ ను మేధావి అంటూ పొగిడారు. రెండు మూడు సార్లు మాట్లాడాను, ఆయన చాలా నాలెడ్జ్ ఉన్న వ్యక్తి, మాట్లాడాలంటే భయమేసింది అంటూ నవ్వారు. ఇక ఈ స్పీచ్ బాగా వైరల్ అవుతోంది. మరి బండ్ల అన్న కామెంట్స్ కి పూరి జగన్నాథ్ ఎలా స్పందిస్తారో చూడాలి.