Bandla Ganesh : క్యారెక్టర్ ఆర్టిస్ట్ గా చిన్న చిన్న పాత్రలు వేస్తూ ఇండస్ట్రీలో తనకంటూ ఒక గుర్తింపు తెచ్చుకున్న బండ్ల గణేష్ ఆ తరువాత ప్రొడ్యూసర్ గా మారి సినిమాలను నిర్మించారు. ఎన్నో కాంట్రావెర్సీలకు కేర్ ఆఫ్ గా నిలబడిన బండ్ల గణేష్ ఒకప్పుడు స్టార్ హీరోల్తో సినిమాలను తీసి వరుస హిట్లను చూసారు. ప్రస్తుతం సినిమా నిర్మాణంలో లేకపోయినా పాలిటిక్స్ గురించి అలానే సినిమా ఇండస్ట్రీ గురించి తనదైనా శైలిలో మాట్లాడుతూ బాగా సోషల్ మీడియాలో నానే బండ్ల అన్న తన సినిమాల గురించి సినిమా నిర్మాణం గురించి సినిమా హీరోల గురించి ఆసక్తికర వాఖ్యలను చేసారు.
పవన్ వల్లే ఇదంతా… నట్టి వల్లే ఆ సినిమా చేశా…
బండ్ల గణేష్ మొదట క్యారెక్టర్ ఆర్టిస్ట్ గా మొదలు పట్టి ఆ తరువాత చిత్ర నిర్మాణంలో అడుగుపెట్టి నిర్మాతగా మారడం అందరికీ ఆశ్చర్యాన్ని కలిగించింది. అయితే ఆ అవకాశం ఇచ్చింది నన్ను ఇక్కడ నిలబెట్టింది పవన్ కళ్యాణ్ అంటూ చెప్తారు బండ్ల గణేష్. అయితే మొదట్లో అవకాశాల కోసం ఎన్నో ఇబ్బందులు పడిన బండ్ల గణేష్ డైరెక్టర్లను పొగడక పోతే సినిమా అవకాశాలు రావు అంటూ చెప్పారు. కొండ దొరలు జాతకాలు చెబుతూ మనల్ని పొగిడితే వారికి డబ్బులు వస్తాయి. అలానే నేను డైరెక్టర్లను పొగిడితేనే మొదట్లో అవకాశాలు వచ్చాయి అంటూ చెప్పాడు బండ్లన్న.
ఒకానొక సమయంలో అడల్ట్ కంటెంట్ సినిమాలో నటించిన బండ్ల గణేష్ ఆ సినిమా చేయడానికి గల కారణాలను వివరించారు. నట్టి కుమార్ ఆ సినిమా తీస్తున్నపుడు కేవలం సినిమాలో హీరో నువ్వు అని చెప్పాడు కథ ఏంటి క్యారెక్టర్ ఎలా ఉండబోతోంది అని అడిగే అంత సీన్ నాకు లేకపోవడంతో హీరో కదా అని ఒప్పుకున్నాను. తీరా వెళ్ళాక కొన్ని సీన్స్ చేసాక అర్థమైంది సినిమా అడల్ట్ మూవీ అని. కానీ ఒప్పుకున్నాక చేయక తప్పుతుందా అని చేశాను ఇక అదే మొదటిది చివరిది అంటూ తెలిపారు.
