Bharath Reddy : డాక్టర్ కావాల్సిన వాడు యాక్టర్ అయ్యాడు అంటూ కొంతమందిని అంటూ ఉంటాం. కానీ ఈ వ్యక్తి మాత్రం డాక్టర్ అయి ఆ తరువాత యాక్టర్ అయ్యాడు. అలా అని తన వైద్య వృత్తిని వదిలేయలేదు. అటు డాక్టర్ గా సేవాలాందిస్తూనే మరోవైపు సినిమాల్లో క్యారెక్టర్ ఆర్టిస్ట్ గా నటిస్తున్నారు. అతను మరెవరో కాదు క్యారెక్టర్ ఆర్టిస్ట్ భరత్ రెడ్డి. చాలా సినిమాల్లో పోలీస్ ఆఫీసర్ గా కనిపిస్తూ ఉండే భరత్ రెడ్డి నిజానికి డాక్టర్ అని చాలా మందికి తెలియదు. వెంకటేష్ గారి సినిమా ‘ఈనాడు’ ద్వారా గుర్తింపు తెచ్చుకున్న భరత్ రెడ్డి ఆ తరువాత చాలా సినిమాల్లో నటించారు.
ఆ సినిమాల్లో నన్ను తీసేసారు…
కార్డియాలజిస్ట్ గా తన విధులు నిర్వర్తిస్తూనే మరోవైపు సినిమాల్లో నటిస్తున్న భరత్ రెడ్డి ఒక్కోసారి సినిమా అవకాశాలను వదులుకోవాల్సి వచ్చేదంటూ చెప్పారు. అయితే కొన్నిసార్లు సినిమాల్లో అవకాశం ఇచ్చి అడ్వాన్స్ ఇచ్చాక తీసేసిన సంఘటనలు ఉన్నాయంటూ తెలిపారు. వెంకటేష్ గారి ‘దృశ్యం’ సినిమాల్లో మొదట నన్ను అనుకుని కన్ఫర్మ్ చేసాక హైట్ ఉన్నానని భావించి ఆ సినిమాలో తీసేసారు అంటూ చెప్పారు.
ఇలా కొన్ని సినిమాలకు జరిగిందని హీరో పక్కన డామినేట్ చేసేలా ఉన్నప్పుడు డైరెక్టర్స్ రిస్క్ చేయలేరు అంటూ భరత్ చెప్పారు. ఇక శ్రీమంతుడు సినిమాలో మొదట నవీన్ రవిచంద్ర క్యారెక్టర్ కు నన్ను సెలెక్ట్ చేసారు. మేనేజర్ తో మాట్లాడి డేట్స్ బుక్ చేసి అడ్వాన్స్ ఇచ్చాక నన్ను తీసేసి నవీన్ ను పెట్టుకున్నారు. ఫోన్ చేసి అడిగితే అసలు వారికి ఏమాత్రం తెలియలేదు. మధ్యలో ఉన్న వాళ్ళు ఇలా చేసారని తెలిసింది. ఒక సినిమా తీయాలంటే ఎంతో మంది కలిసి పనిచేస్తుంటారు మధ్యలో ఇలాంటి పాలిటిక్స్ జరుగుతుంటాయి అనుకుని వదిలేసా అంటూ ఆయన ఆనుభవాలను పంచుకున్నారు భరత్ రెడ్డి.
