Big boss Contestants Rohith & Marina : బిగ్ బాస్ సీజన్ 6 ఎట్టకేలకు ముగిసింది. అందరూ భావించినట్లే విన్నర్ గా సింగర్ రేవంత్ నిలవగా శ్రీహాన్ సెకండ్ ప్లేసులో నిలిచాడు. అయితే శ్రీహాన్ కు రేవంత్ కి ఓటింగ్ లో పెద్దగా వత్యాసం రాలేదంటూ వినిపిస్తోంది. ఇక ఆదిరెడ్డి, కీర్తి భట్ టాప్ 3 మరియు 4 లో నిలవగా ఈసారి బిగ్ బాస్ లో మాత్రం అనూహ్య పరిణామాలు జరిగాయని చెప్పొచ్చు. ఇక బిగ్ బాస్ హౌస్ లోకి పెయిర్ గా ఎంటర్ అయిన రోహిత్ మరీనా జంటలో మరీనా మధ్యలోనే ఎలిమినేట్ అయి బయటకి వచ్చినా రోహిత్ మాత్రం చివరిదాకా హౌస్ లో కొనసాగి టాప్ 5 లో మిగిలాడు. ఇక బిగ్ బాస్ విన్నర్ గురించి అక్కడ జరిగిన పరిణామాలను గురించి మాట్లాడారు రోహిత్ ఆయన భార్య మరీనా.
శ్రీహాన్ 40 లక్షలు తీసుకున్నాక…
బిగ్ బాస్ సీజన్ సిక్స్ ఫైనల్ లో అనూహ్య పరిణామాలు జరిగాయి. శ్రీహాన్ మిడిల్ డ్రాప్ అవడం తో రేవంత్ గెలిచాడు. నిజానికి శ్రీహాన్ కే ఎక్కువ ఓట్లు పడి విన్నర్ అవగా తాను 40 లక్షలకు టెంప్ట్ అయి మిడిల్ డ్రాప్ అయ్యాడు. ఇక రేవంత్ విన్నర్ అయ్యాడు. ఈ విషయాల గురించి మాట్లాడుతూ రోహిత్ శ్రీహాన్ ప్లేసులో ఉంటే తాను ఎందుకు అలా ఆలోచించాడో తెలుస్తోంది. బయట నుండి చూసే మనం ఇలా చేసి ఉండాల్సింది అలా చేసి ఉండాల్సింది అంటూ మాట్లాడటం కరెక్ట్ కాదు అంటూ చెప్పాడు.
ఇక శ్రీహాన్ 40 లక్షలు తీసుకున్నాక రేవంత్ ను విన్నర్ గా ప్రకటించాక నాగార్జున గారు చెప్పారు శ్రీహాన్ కి ఎక్కువ ఓట్లు పడ్డాయని, అందరం షాక్ అయ్యాము అంటూ చెప్పారు ఈ జంట. ఇక బిగ్ బాస్ లో తనకు నచ్చిన ఇంటి సభ్యుడు బాలాదిత్య అంటూ రోహిత్ చెప్పగా మరీనా కూడా తనకు ఆదిత్య అన్న అంటే ఇష్టమంటూ చెప్పారు. బాలాదిత్య చాలా నిజాయితీ గల వ్యక్తి అంటూ చెప్పారు రోహిత్. ఇక మొదట్లో గీతూని చూస్తే చాలా ఇర్రిటేటింగ్ అనిపించేది అంటూ రోహిత్ చెప్పగా మరీనా మాత్రం నాకు ఎవరూ అలా అనిపించలేదు, పరిస్థితులను బట్టి వాళ్ళు బిహేవ్ చేశారే కానీ వ్యక్తిగతంగా అలా కాదు అని నా అభిప్రాయం అంటూ చెప్పారు. ఇక బిగ్ బాస్ తమ కెరీర్ కు బాగా ఉపయోగ పడుతుందంటూ చెప్పారు.
